ಬಿಜೆಪಿಗೆ ಸೇರ್ಪಡೆಗೊಂಡ ಮಾಜಿ ರಾಷ್ಟ್ರಪತಿ ದಿ.ಗ್ಯಾನಿ ಜೇಲ್‌ ಸಿಂಗ್‌ ಮೊಮ್ಮಗ

•   Mon, Sep 13 2021 05:12:30 PM



• ನವದೆಹಲಿ, ಸೆ.13 (DaijiworldNews/PY): ಭಾರತದ ಮಾಜಿ ರಾಷ್ಟ್ರಪತಿ ದಿವಂಗತ ಗ್ಯಾನಿ ಜೇಲ್‌ ಸಿಂಗ್‌ ಅವರ ಮೊಮ್ಮಗ ಇಂದ್ರಜಿತ್‌ ಸಿಂಗ್‌ ಅವರು ಕೇಂದ್ರ ಸಚಿವ ಹರ್ದೀಪ್‌ ಸಿಂಗ್‌ ಪುರಿ ಅವರ ಸಮ್ಮುಖದಲ್ಲಿ ಸೋಮವಾರ ಬಿಜೆಪಿಗೆ ಸೇರ್ಪಡೆಗೊಂಡಿದ್ದಾರೆ.

  

  ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಹಾಗೂ ಪಂಜಾಬ್‌ ಘಟಕದ ಉಸ್ತುವಾರಿ ದುಷ್ಯಂತ್‌ ಗೌತಮ್‌ ಅವರು ಇಂದ್ರಜಿತ್‌ ಸಿಂಗ್‌ ಅವರನ್ನು ಪಕ್ಷಕ್ಕೆ ಸ್ವಾಗತಿಸಿದ್ದು, "ಪಕ್ಷಕ್ಕೆ ಪಂಜಾಬ್‌ನ ಜನರ ಹೃದಯದಲ್ಲಿ ವಿಶೇಷ ಸ್ಥಾನವಿದೆ ಎನ್ನುವುದನ್ನು ಇದು ತೋರಿಸುತ್ತದೆ" ಎಂದಿದ್ದಾರೆ.

  ಬಳಿಕ ಮಾತನಾಡಿದ ಇಂದ್ರಜಿತ್‌ ಸಿಂಗ್‌, "ತಮ್ಮ ತಾತನ ಆಸೆಗಳನ್ನು ಪೂರೈಸಿದ್ದೇನೆ. ಮದನ್‌ ಲಾಲ್‌ ಖುರಾನಾ ದಿನಗಳಲ್ಲಿ ದೆಹಲಿಯಲ್ಲಿ ನಾನು ಬಿಜೆಪಿ ಪರ ಪ್ರಚಾರ ಮಾಡಿದ್ದೆ. ನನ್ನ ತಾತ ನಾನು ಬಿಜೆಪಿಗೆ ಸೇರಬೇಕು ಎಂದು ಇಚ್ಛಿಸಿದ್ದರು. ಅಲ್ಲದೇ ತಾತ ನನಗೆ ದಿವಂಗತ ಅಟಲ್‌ ಬಿಹಾರಿ ಬಾಜಪೇಯಿ ಹಾಗೂ ಲಾಲ್‌ ಕೃಷ್ಣ ಅಡ್ವಾಣಿ ಅವರನ್ನು ಪರಿಚಯಿಸಿದ್ದರು" ಎಂದಿದ್ದಾರೆ.