'ಚುನಾವಣೆಯಲ್ಲಿ ಕಾಂಗ್ರೆಸ್​ ಪಕ್ಷವು ಗೆಲ್ಲದಂತೆ ಮಾಡೋದೇ ಸಿದ್ದರಾಮಯ್ಯ' - ಸಿ.ಟಿ. ರವಿ

•   Tue, Aug 31 2021 12:49:22 PM



• ಬೆಂಗಳೂರು, ಆ.31 (DaijiworldNews/HR): ಕಾಂಗ್ರೆಸ್​ ಪಕ್ಷವು ಚುನಾವಣೆಯಲ್ಲಿ ಗೆಲ್ಲದಂತೆ ಮಾಡೋದೇ ಸಿದ್ದರಾಮಯ್ಯ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ ಹೊಸ ಬಾಂಬ್​ ಸಿಡಿಸಿದ್ದಾರೆ.

  

  ಈ ಕುರಿತು ಮಾತನಾಡಿದ ಅವರು, "ಕಾಂಗ್ರೆಸ್​ ಪಕ್ಷವು ಚುನಾವಣೆಗಳಲ್ಲಿ ಗೆಲ್ಲಬಾರದು ಎಂಬ ಸಂದೇಶವನ್ನ ಕೆಲವೊಮ್ಮೆ ನೇರವಾಗಿ ಹಾಗೂ ಇನ್ನೊಮ್ಮೆ ಹಿಂಬಾಲಕರ ಮೂಲಕ ಸಿದ್ದರಾಮಯ್ಯ ನೀಡಿದ್ದಾರೆ. ಈ ಬಾರಿ ಡಿ.ಕೆ. ಶಿವಕುಮಾರ್​ ನೇತೃತ್ವದಲ್ಲಿ ಚುನಾವಣೆ ಗೆಲ್ಲದಂತೆ ಸಂದೇಶ ನೀಡಿದ್ದಾರೆ. ಈ ಹಿಂದೆ ಪರಮೇಶ್ವರ್​ ಹಾಗೂ ಖರ್ಗೆಯನ್ನು ಸೋಲಿಸಲು ಸಿದ್ದರಾಮಯ್ಯ ಸಂದೇಶ ನೀಡಿದ್ದರು" ಎಂದರು.

  ಇನ್ನು ಕಾಂಗ್ರೆಸ್​ನಲ್ಲಿ ಮುಖ್ಯಮಂತ್ರಿ ಖುರ್ಚಿಗೆ ನಾಲ್ಕೈದು ಮಂದಿ ನಾಯಕರು ಟವೆಲ್​ ಹಾಕಿದ್ದು, ಪಕ್ಷವನ್ನು ಕಟ್ಟಲು ಆಗದವರಿಗೆ ಹಗಲುಗನಸು ಕಾಣುವ ನೈತಿಕತೆ ಇಲ್ಲ. ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿಯೂ ಬಿಜೆಪಿಯೇ ಅಧಿಕಾರಕ್ಕೆ ಬರಲಿದೆ" ಎಂದು ಹೇಳಿದ್ದಾರೆ.