'ರಾಜ್ಯದ ಎಲ್ಲರಿಗೂ ನವೆಂಬರ್‌ ತಿಂಗಳೊಳಗೆ ಕೊರೊನಾ ಲಸಿಕೆ' - ಸಿಎಂ ಬೊಮ್ಮಾಯಿ

•   Sat, Aug 28 2021 06:00:31 PM



• ಹಾವೇರಿ, ಆ 28 (DaijiworldNews/PY): "ರಾಜ್ಯದ ಎಲ್ಲರಿಗೂ ನವೆಂಬರ್‌ ತಿಂಗಳೊಳಗೆ ಕೊರೊನಾ ಮೊದಲ ಡೋಸ್‌ ನೀಡಲಾಗುವುದು" ಎಂದು ಮುಖ್ಯಮಂತ್ರಿ ಬಸವರಾಜ್‌ ಬೊಮ್ಮಾಯಿ ತಿಳಿಸಿದ್ದಾರೆ.

  

  ಹಾವೇರಿಯಲ್ಲಿ ಮಾತನಾಡಿದ ಅವರು, "ಕೊರೊನಾ ಮೂರನೇ ಅಲೆ ಆತಂಕದ ಹಿನ್ನೆಲೆ ಸಾಕಷ್ಟು ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಎಲ್ಲರಿಗೂ ನವೆಂಬರ್‌ ತಿಂಗಳೊಳಗೆ ಕೊರೊನಾ ಲಸಿಕೆಯ ಮೊದಲ ಡೋಸ್‌‌‌ ನೀಡಲಾಗುವುದು. ಶೇ.60ರಷ್ಟು ಮಂದಿಗೆ ಎರಡನೇ ಡೋಸ್‌ ಲಸಿಕೆ ಸಹ ನೀಡಲಾಗುವುದು" ಎಂದು ಹೇಳಿದ್ದಾರೆ.

  ಸಾರ್ವಜನಿಕ ಗಣೇಶ ಮೂರ್ತಿ ಪ್ರತಿಷ್ಠಾಪನೆ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ಅವರು, "ಈ ಕುರಿತು ಕೊರೊನಾ ಪ್ರಕರಣಗಳನ್ನು ನೋಡಿಕೊಂಡು ತೀರ್ಮಾನ ತೆಗದುಕೊಳ್ಳಲಾಗುವುದು. ಇನ್ನೆರಡು ದಿನಗಳಲ್ಲಿ ಸಭೆ ನಡೆಸಿ ಚರ್ಚೆ ನಡೆಸಲಾಗುವುದು" ಎಂದಿದ್ದಾರೆ.