ಪಠಾಣ್‌ ಕೋಟ್‌ನಲ್ಲಿ ಸೇನಾ ತರಬೇತಿ ವೇಳೆ ಓರ್ವ ಯೋಧ ಮೃತ್ಯು, ಇಬ್ಬರಿಗೆ ಗಾಯ

•   Sat, Aug 21 2021 02:54:57 PM



• ನವದೆಹಲಿ, ಆ 21 (DaijiworldNews/PY): ಪಂಜಾಬ್‌ನ ಪಠಾಣ್‌ ಕೋಟ್‌‌ನಲ್ಲಿ ನಡೆಸಲಾದ ಸೇನಾ ತರಬೇತಿಯ ಸಂದರ್ಭ ಓರ್ವ ಯೋಧ ಮೃತಪಟ್ಟು, ಇಬ್ಬರು ಯೋಧರು ಗಾಯಗೊಂಡಿರುವ ಘಟನೆ ಶನಿವಾರ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಹವಾಮಾನ ವೈಪರೀತ್ಯದ ಕಾರಣದಿಂದ ಈ ಘಟನೆ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ.

  9 ಕಾರ್ಪ್‌ಗಳ ಅಡಿಯಲ್ಲಿ ಸೇನಾ ತರಬೇತಿ ಚಟುವಟಿಕೆಗಳನ್ನು ನಡೆಸಲಾಗುತ್ತಿದ್ದು. ಈ ಸಂದರ್ಭ ಉಂಟಾದ ಹವಾಮಾನ ವೈಪರೀತ್ಯದಿಂದ ಓರ್ವ ಯೋಧ ಸಾವನ್ನಪ್ಪಿದ್ದಾರೆ. ಇಬ್ಬರು ಯೋಧರು ಗಾಯಗೊಂಡಿದ್ದಾರೆ ಎಂದು ಸೇನಾ ಮೂಲಗಳು ತಿಳಿಸಿವೆ.

  ಗಾಯಗೊಂಡಿರುವ ಇಬ್ಬರು ಯೋಧರನ್ನು ತಕ್ಷಣವೇ ಪಠಾಣ್‌ ಕೋಟ್‌ನ ಸೇನಾ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದುಬಂದಿದೆ.