ಛತ್ತೀಸ್‌ಗಡದಲ್ಲಿ ನಕ್ಸಲ್‌ ದಾಳಿ - ಇಬ್ಬರು ಐಟಿಪಿಬಿ ಸಿಬ್ಬಂದಿಗಳು ಹುತಾತ್ಮ

•   Fri, Aug 20 2021 04:05:52 PM



• ಛತ್ತೀಸ್‌‌ಗಡ, ಆ 20 (DaijiworldNews/PY): "ಛತ್ತೀಸ್‌ಗಡದ ನಾರಾಯಣಪುರ ಜಿಲ್ಲೆಯಲ್ಲಿ ನಕ್ಸಲರು ನಡೆಸಿದ ದಾಳಿಯಲ್ಲಿ ಇಬ್ಬರು ಐಟಿಬಿಪಿ ಸಿಬ್ಬಂದಿಗಳು ಹುತಾತ್ಮರಾಗಿದ್ದಾರೆ" ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೋರ್ವರು ಮಾಹಿತಿ ನೀಡಿದ್ದಾರೆ.

  
  ಪ್ರಾತಿನಿಧಿಕ ಚಿತ್ರ

  "ಛೋಟೆಡೊಂಗರ್‌‌ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಮಧ್ಯಾಹ್ನ 12.10ರ ಸುಮಾರಿಗೆ ಈ ಘಟನೆ ನಡೆದಿದೆ" ಎಂದು ಬಸ್ತಾರ್ ಐಜಿ ಪಿ ಸುಂದರರಾಜ್ ತಿಳಿಸಿದ್ದಾರೆ.

  "ಐಟಿಬಿಪಿಯ ಸಹಾಯಕ ಕಮಾಂಡೆಂಟ್‌‌ ಸುಧಾಕರ್‌ ಶಿಂಧೆ ಹಾಗೂ ಸಹಾಯಕ ಸಬ್‌‌ ಇನ್ಸ್‌ಪೆಕ್ಟರ್‌‌‌ ಗುರುಮುಖ್‌‌ ಸಿಂಗ್‌ ಗುಂಡಿನ ದಾಳಿಯಲ್ಲಿ ಹುತಾತ್ಮರಾಗಿದ್ದಾರೆ" ಎಂದು ಹೇಳಿದ್ದಾರೆ.

  "ದಾಳಿ ನಡೆಸಿದ ಬಳಿಕ ನಕ್ಸಲರು ಒಂದು ಎಕೆ -47 ರೈಫಲ್, ಎರಡು ಬುಲೆಟ್ ಪ್ರೂಫ್ ಜಾಕೆಟ್ ಹಾಗೂ ವೈರ್‌‌ಲೆಸ್ ಸೆಟ್ ಲೂಟಿ ಮಾಡಿದ್ದು, ಸ್ಥಳದಿಂದ ಪರಾರಿಯಾಗಿದ್ದಾರೆ" ಎಂದು ಮಾಹಿತಿ ನೀಡಿದ್ದಾರೆ.