ಪೆಗಾಸಸ್‌ ಗೂಢಚರ್ಯೆ ತನಿಖೆ ಕೋರಿ ಅರ್ಜಿ - ವಿಚಾರಣೆ ಮುಂದಿನ ವಾರ ನಡೆಸಲು ಸುಪ್ರೀಂ ಒಪ್ಪಿಗೆ

•   Fri, Jul 30 2021 01:21:02 PM



• ನವದೆಹಲಿ, ಜು 30 (DaijiworldNews/PY): ಹಿರಿಯ ಪತ್ರಕರ್ತ ಎನ್‌. ರಾಮ್, ಶಶಿ ಕುಮಾರ್‌ ಅವರು, ಪೆಗಾಸಸ್‌ ಗೂಢಚರ್ಯೆ ಪ್ರಕರಣವನ್ನು ಹಾಲಿ ಅಥವಾ ನಿವೃತ್ತ ನ್ಯಾಯಮೂರ್ತಿಯೋರ್ವರ ನೇತೃತ್ವದಲ್ಲಿ ತನಿಖೆ ನಡೆಸಲು ನಿರ್ದೆಶನ ನೀಡುವಂತೆ ಕೋರಿ ಸಲ್ಲಿಸಿರುವ ಅರ್ಜಿಯ ವಿಚಾರಣೆಯನ್ನು ಮುಂದಿನ ವಾರ ನಡೆಸಲು ಸುಪ್ರೀಂ ಕೋರ್ಟ್‌ ಒಪ್ಪಿಗೆ ಸೂಚಿಸಿದೆ.

  

  ಮುಖ್ಯ ನ್ಯಾ. ಎನ್‌.ವಿ ರಮಣ ನೇತೃತ್ವದ ನ್ಯಾಯಪೀಠ, ಹಿರಿಯ ಪರ್ತಕರ್ತರ ಪರವಾಗಿ ಹಾಜರಾದ ಹಿರಿಯ ವಕೀಲ ಕಪಿಲ್‌ ಸಿಬಲ್‌ ಮಾಡಿದ ಮನವಿಯನ್ನು ಪರಿಗಣಿಸಿದ್ದು, ಅರ್ಜಿಯ ವಿಚಾರಣೆಯನ್ನು ಮುಂದಿನ ವಾರ ನಡೆಸುವುದಾಗಿ ಹೇಳಿದೆ.

  "ಪೆಗಾಸಸ್‌ ಗೂಢಚರ್ಯೆ ಕುತಂತ್ರಾಶವನ್ನು ಬಳಸಿಕೊಂಡು ಕೆಲ ಸಂಸ್ಥೆಗಳು ಸೇರಿದಂತೆ ಇಲಾಖೆಗಳ ಹಾಗೂ ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ಹತ್ತಿಕ್ಕುವ ಯತ್ನ ಮಾಡಲಾಗಿದೆ" ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.

  ಈ ಹಿಂದಿ ಈ ಬಗ್ಗೆ ಅಂತರಾಷ್ಟ್ರೀಯ ಮಾಧ್ಯಮ ಒಕ್ಕೂಟವೊಂದು ವರದಿ ಮಾಡಿದ್ದು, "ಇಸ್ರೇಲ್‌ನ ಎನ್‌ಎಸ್‌‌‌ಒನ ಪೆಗಾಸಸ್‌ ಗೂಢಚರ್ಯೆ ಕುತಂತ್ರಾಂಶವನ್ನು ಬಳಸಿಕೊಂಡು 300ಕ್ಕೂ ಅಧಿಕ ಭಾರತೀಯರ ದೂರವಾಣಿ ಸಂಖ್ಯೆಗಳ ಮೇಲೆ ಕಣ್ಗಾವಲು ಇಡಲಾಗಿದೆ" ಎಂದಿತ್ತು.