'ಯಡಿಯೂರಪ್ಪರನ್ನು ಅಲಕ್ಷ್ಯ ಮಾಡಿದರೆ ಮುಂದೆ ಬಿಜೆಪಿಗೆ ನಷ್ಟ' - ಮುರುಘಾ ಶರಣರ ಎಚ್ಚರಿಕೆ

•   Tue, Jul 20 2021 10:21:41 AM



• ಚಿತ್ರದುರ್ಗ, ಜು.20 (DaijiworldNews/HR): ಕರ್ನಾಟಕದ ಅಭಿವೃದ್ಧಿಗೆ ಅನೇಕ ಕೊಡುಗೆ ನೀಡಿದ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರನ್ನು ನಿರ್ಲಕ್ಷಿಸುವುದರಿಂದ ಮುಂದೆ ಬಿಜೆಪಿಗೆ ಭಾರಿ ನಷ್ಟ ಆಗಲಿದೆ ಎಂದು ಮುರುಘಾ ಮಠದ ಶಿವಮೂರ್ತಿ ಮುರುಘಾ ಶರಣರು ಎಚ್ಚರಿಕೆ ನೀಡಿದ್ದಾರೆ‌.

  

  ಈ ಕುರಿತು ಪ್ರಕಟನೆಯಲ್ಲಿ ತಿಳಿಸಿರುವ ಅವರು, "ರಾಜಕೀಯ ಜೀವನವನ್ನು ಏಕವ್ಯಕ್ತಿಯಿಂದ ಆರಂಭಿಸಿ ಬಿಜೆಪಿ ಪಕ್ಷವನ್ನು ತಳಮಟ್ಟದಿಂದ ಸಂಘಟಿಸಿದ್ದು, ದಕ್ಷಿಣ ಭಾರತದಲ್ಲಿ ಬಿಜೆಪಿ ಸರ್ಕಾರವನ್ನು ರಚಿಸಿದ ಹೆಗ್ಗಳಿಕೆಗೆ ಯಡಿಯೂರಪ್ಪನವರು ಪಾತ್ರರಾಗಿದ್ದಾರೆ" ಎಂದರು.

  ಇನ್ನು "ಎಲ್ಲಾ ಚುನಾವಣೆಯೂ ಇವರ ಮುಂದಾಳತ್ವದಲ್ಲಿ ನಡೆಯುತ್ತಾ ಬಂದಿದ್ದು, ಪಕ್ಷಕ್ಕೆ ಶ್ರಮಿಸಿರುವ ಯಡಿಯೂರಪ್ಪ ನೇರ ನುಡಿ ಹಾಗೂ ಧೀರ ನಡೆಗೆ ಹೆಸರಾದವರು. ಇಂತಹ ಮೇಧಾವಿ ಹಾಗೂ ಮುತ್ಸದ್ಧಿಯನ್ನು ಅಲಕ್ಷ್ಯ ಮಾಡುವುದು ಸರಿಯಲ್ಲ" ಎಂದು ಹೇಳಿದ್ದಾರೆ.