ನಾಸಾ ಟ್ವೀಟ್'ನಲ್ಲಿ ಭಾರತೀಯ ಮೂಲದ ಇಂಟರ್ನಿ ಚಿತ್ರ - ಸಾಮಾಜಿಕ ಜಾಲತಾಣದಲ್ಲಿ ಬಿಸಿ ಬಿಸಿ ಚರ್ಚೆ.!

•   Mon, Jul 12 2021 05:11:02 PM



• ನವದೆಹಲಿ, ಜು 12 (DaijiworldNews/MS): ಯುಎಸ್ ಬಾಹ್ಯಾಕಾಶ ಸಂಸ್ಥೆ ನಾಸಾ ಭಾರತೀಯ ಮೂಲದ ಇಂಟರ್ನಿ ಪ್ರತಿಮಾ ರಾಯ್ ಅವರ ಹಿಂದೂ ದೇವರನ್ನೊಳಗೊಂಡ ಪೋಟೋ ಪೋಸ್ಟ್ ಮಾಡಿದ ನಂತರ ಸಾಮಾಜಿಕ ಮಾಧ್ಯಮದಲ್ಲಿ ಪ್ರತಿಮಾ ರಾಯ್ ಅವರ ಪೋಟೋ ಸಕತ್ ವೈರಲ್ ಆಗಿದ್ದು , ನೆಟ್ಟಿಗರ ನಡುವೆ ಪರ ವಿರೋಧ ಚರ್ಚೆಗೆ ಕಾರಣವಾಗಿದೆ.

    

  ಯುನೈಟೆಡ್ ಸ್ಟೇಟ್ಸ್ ಆಫ್ ನ್ಯಾಷನಲ್ ಏರೋನಾಟಿಕ್ಸ್ ಅಂಡ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (ನಾಸಾ) ಇಂಟರ್ನ್‌ಶಿಪ್ ಮತ್ತು ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಲ್ಲಿ ಮುಂದುವರಿಸಲು ಅವಕಾಶ ಪಡೆದ ವ್ಯಕ್ತಿಗಳ ಪೋಟೋ ಹಂಚಿಕೊಂಡ ನಂತರ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಕೋಲಾಹಲಕ್ಕೆ ಕಾರಣವಾಗಿದೆ

  ನಾಸಾ ಟ್ವಿಟರ್‌ನಲ್ಲಿ ಮಾಡಿದ ಪೋಸ್ಟ್ ನಲ್ಲಿ ಇನ್ನೂ ಅನೇಕ ಇಂಟರ್ನಿಗಳ ಫೋಟೋಗಳಿವೆ. ಆದರೆ ಭಾರತೀಯ ಮೂಲದ ಪ್ರತಿಮಾ ರಾಯ್ ಅವರ ಪೋಟೋದ ಹಿನ್ನಲೆಯಲ್ಲಿ ಅನೇಕ ಹಿಂದೂ ದೇವರ ವಿಗ್ರಹಗಳು ಹಾಗೂ ಚಿತ್ರಗಳಿವೆ. ದೇವಿ ಸರಸ್ವತಿ, ದುರ್ಗಾ ಮಾತೆ, ಭಗವಾನ್ ರಾಮ್-ಸೀತಾ ಅವರ ಚಿತ್ರಗಳೊಂದಿಗೆ ಕಾಣಬಹುದು. ಒಂದು ಶಿವಲಿಂಗವನ್ನು ಸಹ ಅಲ್ಲಿ ಇಡಲಾಗಿದೆ. ನಾಸಾ ಲೋಗೊ ಗೋಚರಿಸುವ ಲ್ಯಾಪ್‌ಟಾಪ್ ಹಾಗೂ ನಾಸಾ ಲೋಗೊ ಇರುವ ವಸ್ತ್ರವನ್ನು ಪ್ರತಿಮಾ ರಾಯ್ ಧರಿಸಿದ್ದಾರೆ.

  ಈ ಚಿತ್ರವನ್ನು ಪೋಸ್ಟ್ ಮಾಡಿದ ನಂತರ, ಅನೇಕ ಜನರು ನಾಸಾವನ್ನು ಗೇಲಿ ಮಾಡಲು ಪ್ರಾರಂಭಿಸಿದ್ದಾರೆ. ಅಷ್ಟೇ ಅಲ್ಲ, ಅನೇಕ ಜನರು ಟ್ವೀಟ್ ಮಾಡುವ ಮೂಲಕ ಹಿಂದೂ ದೇವತೆಗಳನ್ನು ಗೇಲಿ ಮಾಡಲು ಪ್ರಾರಂಭಿಸಿದ್ದಾರೆ. ಇನ್ನು ಕೆಲವರು ಈ ಚಿತ್ರದ ಬಗ್ಗೆ ನಾಸಾದ ವೈಜ್ಞಾನಿಕ ಚಿಂತನೆಯನ್ನು ಅನೇಕ ಜನರು ಪ್ರಶ್ನಿಸುತ್ತಿದ್ದಾರೆ. ಆದರೆ ಬಹಳಷ್ಟು ಮಂದಿ " ತಮ್ಮ ಧರ್ಮವನ್ನು ಅನುಸರಿಸುವ ಸ್ವಾತಂತ್ರ್ಯ ಎಲ್ಲರಿಗಿದೆ " ಎಂದು ಪ್ರತಿಮಾ ಪರ ಟ್ವೀಟ್ ಮಾಡಿದ್ದಾರೆ.

  ಪ್ರತಿಮಾ ರಾಯ್ ಅವರ ಹಿಂದೂ ಧರ್ಮನಿಷ್ಠೆಯ ಬಗ್ಗೆ ಬಹಿರಂಗ ಅಭಿವ್ಯಕ್ತವೂ ಹಾಗೂ ತಾವು ನಂಬಿದ ದೇವರ ಬಗ್ಗೆ ತೋರುವ ಭಕ್ತಿಯಿಂದ ಸಂತೋಷವಾಗದ ಕೆಲವೇ ಕೆಲವು ಸ್ವಯಂ-ಘೋಷಿತ ‘ಬುದ್ಧಿಜೀವಿಗಳನ್ನು’ ಕೆರಳಿಸಿದ್ದು ಅಂತಹ ‘ಬುದ್ಧಿಜೀವಿಗಳು’ ಅವರ ‘ವೈಜ್ಞಾನಿಕ ಮನೋಧರ್ಮ’ವನ್ನು ಪ್ರಶ್ನಿಸಲು ಪ್ರಾರಂಭಿಸಿ ವ್ಯಂಗವಾಡತೊಡಗಿದ್ದಾರೆ. ನಾಸಾ ‘ವಿಜ್ಞಾನ’ ವನ್ನು ನಾಶಪಡಿಸುತ್ತಿದೆ ಎಂದು ದೂರಿದ್ದಾರೆ.

  18 ಸಾವಿರಕ್ಕೂ ಲೈಕ್

  ಈ ಬೆಳವಣಿಗೆಗಳ ಬೆನ್ನಲ್ಲೇ, ಪ್ರತಿಮಾ ಅವರ ಧರ್ಮವನ್ನು ಆಚರಿಸುವ ಹಕ್ಕನ್ನು ಬೆಂಬಲಿಸಿ ಹೆಚ್ಚಿನ ಸಂಖ್ಯೆಯ ಜನರು ಟ್ವೀಟ್ ಮಾಡಿದ್ದಾರೆ. ಸ್ಕಿನ್‌ಡಾಕ್ಟರ್ ಎಂಬ ಬಳಕೆದಾರೊಬ್ಬರು , ಬಹುಪತ್ನಿತ್ವ, ಬಾಲ್ಯ ವಿವಾಹ, ಹಿಜಾಬ್, ಆಯ್ಕೆ ಮಾಡುವಾಗ ಸ್ವಾತಂತ್ರ್ಯದ ಹೆಸರಿನಲ್ಲಿ ಗೌರವಿಸಲಾಗುತ್ತದೆ. ಆದರೆ ಹಿಂದೂ ಮಹಿಳೆಯೊಬ್ಬರು ತಮ್ಮ ಧರ್ಮವನ್ನು ಅನುಸರಿಸುತ್ತಿದ್ದರೆ ಅದನ್ನು ಮೂರ್ಖತನ ಎಂದು ಕರೆಯಲಾಗುತ್ತಿದೆ ಎಂದು ಹೇಳಿದ್ದಾರೆ.

   

  Today's the day: applications for fall NASA internships are due!
  
  Are you ready? Visit @NASAInterns and apply at: https://t.co/s69uwyR1LJ pic.twitter.com/CVwFJGYbms

  — NASA (@NASA) July 9, 2021