ವಿನಯ್ ಪ್ರಕಾಶ್ ಟ್ವಿಟರ್‌‌ ಇಂಡಿಯಾದ ಸ್ಥಾನಿಕ ಕುಂದುಕೊರತೆ ಅಧಿಕಾರಿಯಾಗಿ ನೇಮಕ

•   Sun, Jul 11 2021 12:21:20 PM



• ನವದೆಹಲಿ, ಜು 11 (DaijiworldNews/PY): ವಿನಯ್ ಪ್ರಕಾಶ್ ಅವರನ್ನು ಟ್ವಿಟರ್‌‌ ‌ಇಂಡಿಯಾದ ಸ್ಥಾನಿಕ ಕುಂದುಕೊರತೆ ಅಧಿಕಾರಿಯಾಗಿ ನೇಮಕ ಮಾಡಲಾಗಿದೆ.

  

  ಸೈಟ್‌ ವಿವರಗಳ ಪ್ರಕಾರ, ನಿಮ್ಮ ಕುಂದುಕೊರತೆಗಳನ್ನು ಕಳುಹಿಸಲು ವಿನಯ್ ಪ್ರಕಾಶ್ ಕುಂದುಕೊರತೆ-ಅಧಿಕಾರಿ-ಇನ್ @ twitter.com ನಲ್ಲಿ ಸಂಪರ್ಕಿಸಬಹುದಾಗಿದೆ ಎಂದು ತಿಳಿಸಿದೆ.

  ವಿನಯ್ ಪ್ರಕಾಶ್ ಅವರನ್ನು, ದೇಶದ ನೂತನ ಐಟಿ ನಿಯಮಗಳ ಕಾನೂನು 2021ರ ಅಡಿಯಲ್ಲಿ ಕುಂದುಕೊರತೆ ಅಧಿಕಾರಿಯಾಗಿ ನೇಮಿಸಲಾಗಿದೆ.

  ಈ ಹಿಂದೆ ಧಮೇಂದ್ರ ಚತುರ್‌ ಅವರನ್ನು ಟ್ವಿಟರ್‌‌ ಭಾರತಕ್ಕೆ ಮಧ್ಯಂತರ ಸ್ಥಾನಿಕ ಕುಂದುಕೊರತೆ ಅಧಿಕಾರಿಯಾಗಿ ನೇಮಿಸಿತ್ತು. ಆದರೆ, ಅವರು ಕಳೆದ ತಿಂಗಳು ಈ ಸ್ಥಾನದಿಂದ ಕೆಳಗಿಳಿದಿದ್ದರು.

  ಭಾರತದಲ್ಲಿ ಅಂದಾಜು 1.7 ಕೋಟಿ ಬಳಕೆದಾರರನ್ನು ಟ್ವಿಟರ್‌‌ ಹೊಂದಿದೆ. 50 ಲಕ್ಷಕ್ಕೂ ಅಧಿಕ ಬಳಕೆದಾರರನ್ನು ಹೊಂದಿರುವ ಸಾಮಾಜಿಕ ಮಾಧ್ಯಮ ವೇದಿಕೆಗಳು ಹೊಸ ಐಟಿ ನಿಯಮದ ಪ್ರಕಾರ ಕಡ್ಡಾಯವಾಗಿ ಮುಖ್ಯ ಕಾನೂನು ಪಾಲನಾ ಅಧಿಕಾರಿ, ನೋಡಲ್‌‌ ಅಧಿಕಾರಿ ಹಾಗೂ ಸ್ಥಾನಿಕ ಕುಂದುಕೊರತೆ ಅಧಿಕಾರಿಗಳನ್ನು ನೇಮಕ ಮಾಡಬೇಕು. ಈ ಮೂವರೂ ಕೂಡಾ ಭಾರತದ ನಿವಾಸಿಗಳಾಗಿರಬೇಕು.