ಖ್ಯಾತ ನಟಿ ಮಂದಿರಾ ಬೇಡಿ ಅವರ ಪತಿ ರಾಜ್​ ಕೌಶಲ್ ಹೃದಯಾಘಾತದಿಂದ ಸಾವು

•   Wed, Jun 30 2021 12:25:22 PM



• ಮುಂಬೈ, ಜೂ 30 (DaijiworldNews/MS): ಖ್ಯಾತ ಬಾಲಿವುಡ್​ ನಟಿ ,ಫ್ಯಾಶನ್ ಡಿಸೈನರ್ ಹಾಗೂ ಕ್ರಿಕೆಟ್ ವಿಶ್ಲೇಷಕಿ ಮಂದಿರಾ ಬೇಡಿ ಅವರ ಪತಿ ಚಿತ್ರ ನಿರ್ಮಾಪಕ ರಾಜ್​ ಕೌಶಲ್್ ಹೃದಯಾಘಾತ ನಿಧನರಾಗಿದ್ದಾರೆ ಎಂದು ವರದಿಯಾಗಿದೆ.

  

  49 ವರ್ಷದ ರಾಜ್ ಕೌಶಲ್ ಅವರು ತಮ್ಮ ಮನೆಯಲ್ಲಿ ಇಂದು ಮುಂಜಾನೆ 4.30 ರಿಂದಲೇ ಎದೆ ನೋವಿನಿಂದ ಬಳಲುತ್ತಿದ್ದು, ಯಾವುದೇ ವೈದ್ಯಕೀಯ ಸಹಾಯ ಪಡೆಯುವ ಮೊದಲೇ 10:09ಕ್ಕೆ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.

  2005 ರಲ್ಲಿ ಬಿಡುಗಡೆಯಾದ 'ಮೈ ಬ್ರದರ್ ನಿಖಿಲ್' ಚಿತ್ರದಲ್ಲಿ ರಾಜ್ ಕೌಶಲ್ ಅವರೊಂದಿಗೆ ಕೆಲಸ ಮಾಡಿದ ಚಲನಚಿತ್ರ ನಿರ್ಮಾಪಕ ಓನಿರ್ ಈ ಸುದ್ದಿಯನ್ನು ಟ್ವೀಟ್ ಮಾಡುವ ಮೂಲಕ ತಿಳಿಸಿದ್ದಾರೆ

  ರಾಜ್ ಕೌಶಲ್ ಸಾವನ್ನಪ್ಪಿರುವ ವಿಚಾರವನ್ನು ಅವರ ಕುಟುಂಬ ಸದಸ್ಯರು ಇನ್ನಷ್ಟೇ ದೃಢಪಡಿಸಬೇಕಾಗಿದೆ . ಮಂದಿರ ಬೇಡಿ ರಾಜ್ ಕೌಶಲ್ ಅವರನ್ನು 1999ರ ಫೆಬ್ರುವರಿ 4ರಂದು ವಿವಾಹವಾಗಿದ್ದರು. ದಂಪತಿಗೆ 2011ರಲ್ಲಿ ಪುತ್ರ ಜನಿಸಿದ್ದು, 2020ರ ಅಕ್ಟೋಬರ್ ನಲ್ಲಿ 4ವರ್ಷದ ಹೆಣ್ಣು ಮಗುವನ್ನು ದತ್ತು ಪಡೆದಿದ್ದರು.