'ಭಾರತವನ್ನು ವಿಶ್ವಬಿಕಾರಿಯನ್ನಾಗಿಸಿದ ಪ್ರಧಾನಿ ಮೋದಿ' - ಕಾಂಗ್ರೆಸ್

•   Sat, Jun 26 2021 01:02:10 PM



• ನವದೆಹಲಿ, ಜೂ 26 (DaijiworldNews/MS): ಭಾರತವನ್ನು ವಿಶ್ವಗುರು ಮಾಡುತ್ತೇನೆ ಎಂದಿದ್ದ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಕಾಂಗ್ರೆಸ್​ ವ್ಯಂಗ್ಯವಾಡಿದ್ದು ವಿಶ್ವ ಗುರು ಬದಲು ವಿಶ್ವ ಬಿಕಾರಿಯಾನ್ನಗಿಸಲು ಹೊರಟಿದೆ ಎಂದು ಹೇಳಿದೆ.

  

  ಭಾರತವನ್ನು 5 ಟ್ರಿಲಿಯನ್ ಆರ್ಥಿಕತೆಯನ್ನಾಗಿ ಮಾಡುವ ಪ್ರಧಾನಿ ನರೇಂದ್ರ ಮೋದಿಯವರ ಹೇಳಿಕೆಯ ಬಗ್ಗೆ ಪಂಜಾಬ್​​ ಕಾಂಗ್ರೆಸ್​ ಅಧ್ಯಕ್ಷ ಸುನೀಲ್​ ಜಂಕರ್​​ ವಾಗ್ದಾಳಿ ನಡೆಸಿದ್ದು, ಭಾರತವು ವಿಶ್ವ ಬಿಕಾರಿಯಾಗಿ ಮಾರ್ಪಟ್ಟಿದೆ ಎಂದು ಹೇಳಿದರು.

  ವಿಶ್ವಗುರು ಆಗುತ್ತದೆ ಎಂದು ಬಡಾಯಿ ಕೊಚ್ಚಿಕೊಳ್ಳುತ್ತಿದ್ದ ಪ್ರಧಾನಿ ಮೋದಿಯವರ ಕೊವೀಡ್ ಕಳಪೆ ನಿರ್ವಹಣೆ ಪ್ರತಿಬಿಂಬಿವಾಗಿ ವಿಶ್ವ ಬಿಕಾರಿಯಂತೆ ನಾವು ಎಲ್ಲೆಡೆಯಿಂದ ಸಹಾಯವನ್ನು ಪಡೆಯುತ್ತಿದ್ದೇವೆ ನಿತ್ಯ ಆಕ್ಸಿಜನ್​ ಹೊತ್ತ ವಿಮಾನಗಳು ವಿದೇಶದಿಂದ ಬರುವುದನ್ನು ಕಾಯುತ್ತಿದ್ದೇವೆ. ಪ್ರಪಂಚದ ಎದುರು ಭಾರತ ಆಕ್ಸಿಜನ್​ಗಾಗಿ ಕೈಚಾಚಿ ಕೂತಿದೆಎಂದು ವಾಗ್ದಾಳಿ ನಡೆಸಿದರು.