ಎರಡನೇ ಮದುವೆಯಿಂದ ಮನನೊಂದು 2 ವರ್ಷದ ಮಗುವಿನೊಂದಿಗೆ ತಾಯಿ ಆತ್ಮಹತ್ಯೆ

•   Sun, Jun 20 2021 10:45:26 AM



• ಹಾಸನ, ಜೂ. 20 (DaijiworldNews/HR): ಗಂಡನನ್ನು ಕಳೆದುಕೊಂಡು ಖಿನ್ನತೆಗೆ ಒಳಗಾಗಿದ್ದ ಯುವತಿಯನ್ನು ಪೋಷಕರು ಎರಡನೇ ಮದುವೆ ಮಾಡಿದ್ದಕ್ಕೆ ಮನನೊಂದು ಮಗುವಿನೊಂದಿಗೆ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಸಕಲೇಶಪುರ ತಾಲೂಕಿನ ಆನೇಮಹಲ್​ನಲ್ಲಿ ನಡೆದಿದೆ.

  

  ಮೃತರನ್ನು ಪ್ರಜ್ವಲ (26), ಸಾಧ್ವಿ (2) ಎಂದು ಗುರುತಿಸಲಾಗಿದೆ.

  ಪ್ರಜ್ವಲ ಅವರ ಮೊದಲ ಪತಿ ಸುರೇಂದ್ರ ಎನ್ನುವವರು ಕೆಲ ಸಮಯದ ಹಿಂದೆ ಅಪಘಾತದಲ್ಲಿ ಸಾವನ್ನಪ್ಪಿದ್ದು, ಪ್ರಜ್ವಲ‌ ಈ‌ ಆಘಾತದಿಂದ ಹೊರಬಂದಿರಲಿಲ್ಲ. ಆದರೆ ಪ್ರಜ್ವಲ‌ ಪೋಷಕರು ಮಗಳ ಜೀವನ ಸರಿ ಹೋಗಲಿ ಎಂದು ಆನೆಮಹಲ್ ಗ್ರಾಮದ ವ್ಯಕ್ತಿಯೊಂದಿಗೆ ಜೂನ್​ 16ರಂದು ಎರಡನೇ ಮದುವೆ ಮಾಡಿದ್ದರು.

  ಇನ್ನು ಈ ಎರಡನೇ ಮದುವೆಯಿಂದ ಮನೊಂದ ಪ್ರಜ್ವಲ‌ ಮಗುವಿಗೆ ನೇಣು ಬಿಗಿದು ತಾನೂ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.

  ಈ ಬಗ್ಗೆ ಸಕಲೇಶಪುರ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಘಟನಾ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.