ರಾಜ್ಯದಲ್ಲಿ ಈವರೆಗೆ 2,856 ಬ್ಲ್ಯಾಕ್‌ ಫಂಗಸ್‌ ಪ್ರಕರಣ ಪತ್ತೆ, 225 ಮಂದಿ ಸಾವು

•   Fri, Jun 18 2021 05:39:57 PM



• ಬೆಂಗಳೂರು, ಜೂ 18 (DaijiworldNews/PY): ಕೊರೊನಾ ಸೋಂಕಿನಿಂದ ಗುಣಮುಖರಾದ ಅನೇಕ ಮಂದಿಯಲ್ಲಿ ಬ್ಲ್ಯಾಕ್‌ ಫಂಗಸ್‌‌ ರೋಗ ಪತ್ತೆಯಾಗಿದೆ. ರಾಜ್ಯದಲ್ಲಿ ಈವರೆಗೆ 2,856 ಮಂದಿಗೆ ಬ್ಲ್ಯಾಕ್‌ ಫಂಗಸ್‌‌ ರೋಗ ಕಾಣಿಸಿಕೊಂಡಿದ್ದು, ರೋಗ ಕಾಣಿಸಿಕೊಂಡ 225 ಮಂದಿ ಮೃತಪಟ್ಟಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಈ ಬಗ್ಗೆ ಮಾಹಿತಿ ನೀಡಿರುವ ಆರೋಗ್ಯ ಮತ್ತು ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್, "ರಾಜ್ಯದಲ್ಲಿ ಈವರೆಗೆ 2,856 ಜನರಿಗೆ ಬ್ಲ್ಯಾಕ್‌‌ ಫಂಗಸ್‌‌‌‌ ರೋಗ ದೃಢಪಟ್ಟಿದೆ. ಈವರಗೆ ರೋಗ ಕಾಣಿಸಿಕೊಂಡ 191 ಮಂದಿ ಗುಣಮುಖರಾಗಿದ್ದು, ಉಳಿದ 2,316 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ" ಎಂದು ತಿಳಿಸಿದ್ದಾರೆ.

  ‌‌"ಬೆಂಗಳೂರು ನಗರದಲ್ಲಿ 72 ಜನರು, ಕಲಬುರ್ಗಿಯಲ್ಲಿ 22 ಜನರು, ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 18 ಜನರು ಸೇರಿದಂತೆ ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ 225 ಮಂದಿ ಬ್ಲ್ಯಾಕ್ ಫಂಗಸ್‌‌ ರೋಗಕ್ಕೆ ಬಲಿಯಾಗಿದ್ದಾರೆ" ಎಂದು ಹೇಳಿದ್ದಾರೆ.