'ಸಿದ್ದರಾಮಯ್ಯ ಬಾಹುಬಲಿ, ಡಿಕೆ ಶಿವಕುಮಾರ್ ಕಟ್ಟಪ್ಪ'- ವ್ಯಂಗ್ಯವಾಡಿದ ಶ್ರೀ ರಾಮುಲು

•   Thu, Jun 17 2021 02:40:04 PM



• ಬೆಂಗಳೂರು, ಜೂ.17 (DaijiworldNews/HR): ಸಿದ್ದರಾಮಯ್ಯ ಅವರು ನಾನೇ ಬಾಹುಬಲಿ ಅಂತ ಹೋಗುತ್ತಿದ್ದು, ಮತ್ತೊಂದೆಡೆ ಡಿ.ಕೆ ಶಿವಕುಮಾರ್​ ಕಟ್ಟಪ್ಪ ರೀತಿ ಖಡ್ಗ ಹಿಡಿದು ಹೋಗುತ್ತಿದ್ದಾರೆ ಎಂದು ಸಚಿವ ಶ್ರೀರಾಮುಲು ವ್ಯಂಗ್ಯ ಮಾಡಿದ್ದಾರೆ.

  

  ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿದ್ದರಾಮಯ್ಯ ಬಾಹುಬಲಿಯ ರೀತಿ ಹಾಗೂ ಡಿ.ಕೆ ಶಿವಕುಮಾರ್ ಕಟ್ಟಪ್ಪನ ರೀತಿ ಮಾಡುತ್ತಿದ್ದು, ಕಾಂಗ್ರೆಸ್​ ಅಧಿಕಾರಕ್ಕಾಗಿ ಷಡ್ಯಂತ್ರ ನಡೆಸುತ್ತಿದ್ದು, ಇದರ ಬಗ್ಗೆ ಅರುಣ್​ ಸಿಂಗ್​ ಅವರ ಬಳಿ ಹೇಳಿದ್ದೇನೆ" ಎಂದರು.

  ಇನ್ನು ಕರ್ನಾಟಕದ ನಾಯಕತ್ವ ಬದಲಾವಣೆ ಬಗ್ಗೆ ಅರುಣ್ ಸಿಂಗ್ ಸ್ಪಷ್ಟಪಡಿಸಿದ್ದು, ಬಿಜೆಪಿಯಲ್ಲಿ ಪಾರ್ಲಿಮೆಂಟರಿ ಬೋರ್ಡ್ ಇದೆ. ಅವರು ನಿರ್ಧಾರ ಮಾಡಿದರೆ ಮುಗಿಯಿತು. ಯಾವುದೇ ಗೊಂದಲಗಳಿಲ್ಲ. ಯಾವುದೇ ತೀರ್ಮಾನ ಇದ್ದರೂ ಹೈಕಮಾಂಡ್ ನಿರ್ಧರಿಸುತ್ತೆ" ಎಂದು ಹೇಳಿದ್ದಾರೆ.