ವಾಹನ ಸವಾರರಿಗೆ ಬಿಗ್‌ ಶಾಕ್‌‌ - ಮತ್ತೆ ಗಗನಕ್ಕೇರಿದ ಪೆಟ್ರೋಲ್‌, ಡೀಸೆಲ್‌‌ ದರ

•   Sat, Jun 12 2021 09:37:25 AM



• ನವದೆಹಲಿ, ಜೂ 12 (DaijiworldNews/PY): ಪೆಟ್ರೋಲ್‌ ಹಾಗೂ ಡೀಸೆಲ್‌‌ ಬೆಲೆಯಲ್ಲಿ ಮತ್ತೆ ಏರಿಕೆ ಕಂಡು ಬಂದಿದ್ದು, ಶನಿವಾರವೂ ಏರಿಕೆ ಕಂಡುಬಂದಿದೆ.

  

  ತೈಲ ಕಂಪೆನಿಗಳು ಇಂಧನ ದರ ಪರಿಷ್ಕರಣೆ ಮಾಡಿದ್ದು, ಭಾರತೀಯ ಮಾರುಕಟ್ಟೆಯಲ್ಲಿ ಪೆಟ್ರೋಲ್‌‌‌ ಬೆಲೆ ಪ್ರತೀ ಲೀಟರ್‌ಗೆ 27 ಪೈಸೆ ಹಾಗೂ ಡೀಸೆಲ್ ಪ್ರತಿ ಲೀಟರ್‌‌‌ಗೆ 23 ಪೈಸೆಯಷ್ಟು ಹೆಚ್ಚಳ ಮಾಡಲಾಗಿದೆ.

  ದೆಹಲಿಯಲ್ಲಿ ಒಂದು ಲೀಟರ್ ಪೆಟ್ರೋಲ್ 96.12 ರೂ., ಇದ್ದರೆ, ಡೀಸೆಲ್ ದರ 86.98 ರೂ. ಇದೆ. ಮುಂಬೈನಲ್ಲಿ ಪೆಟ್ರೋಲ್ ದರ 102.30 ರೂ., ಡೀಸೆಲ್ ದರ 94.39 ರೂ. ಇದೆ.

  ಬೆಂಗಳೂರಿನಲ್ಲಿ ಇಂದು ಪೆಟ್ರೋಲ್‌‌ ದರ ಲೀಟರ್​ಗೆ 99.33 ರೂ. ಇದ್ದರೆ, ಡೀಸೆಲ್‌‌ ದರ ಲೀಟರ್​ಗೆ 92.21 ರೂ. ಹೆಚ್ಚಳವಾಗಿದೆ. ಕೋಲ್ಕತ್ತಾದಲ್ಲಿ ಪೆಟ್ರೋಲ್‌‌ ಬೆಲೆ ಲೀಟರ್​ಗೆ 96.06 ರೂ. ಇದ್ದಲ್ಲಿ ಡೀಸೆಲ್ ಬೆಲೆ ಲೀಟರ್​ಗೆ 94.39 ರೂ. ಇದೆ. ಇನ್ನು ಚೆನ್ನೈನಲ್ಲಿ ಪೆಟ್ರೋಲ್ ಬೆಲೆ ಲೀಟರ್​ಗೆ 97.43 ರೂ. ಏರಿಕೆಯಾಗಿದ್ದು, ಡೀಸೆಲ್ ಬೆಲೆ ಲೀಟರ್​ಗೆ 91.64 ರೂ. ಏರಿಕೆ ಕಂಡಿದೆ.