ಸಿ.ಡಿ ಪ್ರಕರಣ - ಶಂಕಿತ ಆರೋಪಿಗಳಾದ ನರೇಶ್​ ಗೌಡ, ಶ್ರವಣ್‌‌ಗೆ ನಿರೀಕ್ಷಣಾ ಜಾಮೀನು

•   Tue, Jun 08 2021 06:08:59 PM



• ಬೆಂಗಳೂರು, ಜೂ.08 (DaijiworldNews/HR): ಮಾಜಿ ಸಚಿವ ರಮೇಶ್​ ಜಾರಕಿಹೊಳಿ ಅವರದ್ದು ಎನ್ನಲಾಗಿರುವ ಸಿ.ಡಿ ಪ್ರಕರಣದ ಸೂತ್ರದಾರಿಗಳು ಎನ್ನಲಾದ ಮಾಜಿ ಪತ್ರಕರ್ತ ನರೇಶ್​ ಗೌಡ ಹಾಗೂ ಶ್ರವಣ್‌‌ಗೆ ಬೆಂಗಳೂರಿನ 91ನೇ ಸಿಸಿಹೆಚ್​ ಕೋರ್ಟ್ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದೆ ಎಂದು ತಿಳಿದು ಬಂದಿದೆ.

  

  ಸಿ.ಡಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾರ್ಚ್ 2 ರಿಂದ ತಲೆಮರೆಸಿಕೊಂಡಿರುವ ನರೇಶ್​ ಗೌಡ ಹಾಗೂ ಶ್ರವಣ್‌‌ ಅವರನ್ನು ಪತ್ತೆಹಚ್ಚಲು ತನಿಖಾ ತಂಡ ಶ್ರಮಿಸುತ್ತಿತ್ತು. ಈ ಇಬ್ಬರ ಮೇಲೆ ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಹನಿಟ್ರ್ಯಾಪ್‌ ಮತ್ತು ಬ್ಲ್ಯಾಕ್​ಮೇಲ್‌ ಆರೋಪ ಮಾಡಿದ್ದರು.

  ಇನ್ನು ಮೇ 31ರಂದು ಮಾಜಿ ಸಚಿವ, ಶಾಸಕ ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣದ ವಿಚಾರಣೆ ನಡೆಸಿದ ಧಾರವಾಡ ಹೈಕೋರ್ಟ್ ವಿಭಾಗೀಯ ಪೀಠ ಯುವತಿ ತಂದೆ ದಾಖಲಿಸಿದ್ದ ಹೆಬಿಯಸ್ ಕಾರ್ಪಸ್ ಅರ್ಜಿ ಇತ್ಯರ್ಥಗೊಳಿಸಿದೆ.