ಕೊರೊನಾ ಪ್ರಕರಣಗಳ ಸಂಖ್ಯೆ ಇಳಿಕೆ - 24 ಗಂಟೆಯಲ್ಲಿ ದೇಶದಲ್ಲಿ 1 ಲಕ್ಷ ಮಂದಿಗೆ ಪಾಸಿಟಿವ್, 2,427 ಜನರು ಬಲಿ

•   Mon, Jun 07 2021 10:42:31 AM



• ನವದೆಹಲಿ, ಜೂ.07 (DaijiworldNews/HR): ಭಾರತದಾದ್ಯಂತ ಇದೇ ಮೊದಲ ಬಾರಿಗೆ ಕೊರೊನಾ ಸೋಂಕಿನ ಪ್ರಕರಣಗಳ ಸಂಖ್ಯೆ ಇಳಿಕೆ ಕಂಡಿದ್ದು, ಕಳೆದ 24 ಗಂಟೆಯಲ್ಲಿ ಹೊಸದಾಗಿ 1,00,636 ಮಂದಿಗೆ ಪಾಸಿಟಿವ್ ದೃಢಪಟ್ಟು, ಸೋಂಕಿನಿಂದ 2,427 ಜನರು ಮೃತಪಟ್ಟಿದ್ದಾರೆ.

  

  ಸಾಂಧರ್ಭಿಕ ಚಿತ್ರ

  ಕೇಂದ್ರ ಆರೋಗ್ಯ ಸಚಿವಾಲಯ ಮಾಹಿತಿಯ ಪ್ರಕಾರ, ದೇಶಾದ್ಯಂತ ಹೊಸದಾಗಿ ಕಳೆದ 24 ಗಂಟೆಯಲ್ಲಿ 1,00,636 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 2,89,09,975 ಕ್ಕೆ ಏರಿಕೆಯಾಗಿದೆ. ಇವರಲ್ಲಿ 24 ಗಂಟೆಯಲ್ಲಿ 1,74,399 ಸೋಂಕಿತರು ಸೇರಿದಂತೆ, ಇದುವರೆಗೆ 2,71,59,180 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ.

  ಇನ್ನು ದೇಶದಲ್ಲಿ 14,01,609 ಸಕ್ರೀಯ ಪ್ರಕರಣಗಳಿದ್ದು,24 ಗಂಟೆಯಲ್ಲಿ 2,427 ಸೋಂಕಿತರು ಸಾವನ್ನಪ್ಪಿದ್ದಾರೆ. ಇದರಿಂದಾಗಿ ದೇಶದಲ್ಲಿ ಇದುವರೆಗೆ ಸೋಂಕಿನಿಂದಾಗಿ ಸಾವನ್ನಪ್ಪಿದವರ ಸಂಖ್ಯೆ 3,49,186 ಕ್ಕೆ ಏರಿಕೆಯಾದಂತೆ ಆಗಿದೆ.

  ದೇಶದಲ್ಲಿ ಇದುವರೆದೆ 23,27,86,482 ಮಂದಿಗೆ ಕೊರೊನಾ ಲಸಿಕೆ ನೀಡಲಾಗಿದೆ.