ಸಂಜೆ 5 ಗಂಟೆಗೆ ತುರ್ತು ಪತ್ರಿಕಾಗೋಷ್ಟಿ ಕರೆದ ಸಿಎಂ

•   Thu, Jun 03 2021 02:17:46 PM



• ಬೆಂಗಳೂರು, ಜೂ 3 (DaijiworldNews/MS): ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಇಂದು ಸಂಜೆ 5ಗಂಟೆಗೆ ತುರ್ತು ಪತ್ರಿಕಾಗೋಷ್ಟಿ ಕರೆದಿದ್ದು, ಲಾಕ್ ಡೌನ್ ವಿಸ್ತರಣೆ ಹಾಗೂ ಎರಡನೇ ಹಂತದ ಪ್ಯಾಕೆಜ್ ಕುರಿತಂತೆ ಮಹತ್ವದ ಮಾಹಿತಿ ನೀಡುವ ಸಾಧ್ಯತೆಯಿದೆ.

  

  ಈ ಹಿಂದೆ 1250 ಕೋಟಿ ರೂ. ಗಾತ್ರದ ಕೋವಿಡ್ ಪ್ಯಾಕೇಜ್ ಘೋಷಣೆ ಮಾಡಿದ್ದು, ಇಂದು ಮತ್ತೆ ಹಲವು ವಲಯಗಳಿಗೆ ಎರಡನೇ ಹಂತದ ಪ್ಯಾಕೆಜ್ ಘೋಷನೆ ಮಾಡುವ ಸಂಭವವಿದೆ. ಇದಲ್ಲದೆ ಜೂ. 7 ರ ಬಳಿಕ ಜೂ. 14 ರವರೆ ಲಾಕ್ ಡೌನ್ ಅನ್ನು ವಿಸ್ತರಣೆ ಮಾಡಿ ಆದೇಶ ಹೊರಡಿಸಲಿದ್ದಾರೆ ಎಂದು ತಿಳಿದುಬಂದಿದೆ. ಇದಲ್ಲದೆ ಮತ್ತೊಂದು ಹಂತದಲ್ಲಿ ಅಂದರೆ ಜೂನ್​ 21 ರವರೆಗೆ ಮತ್ತೊಂದು ಲಾಕ್ ಡೌನ್ ವಿಸ್ತರಣೆ ಮುಂದುವರಿಯಲಿದೆ ಎಂದ್ ವರದಿ ತಿಳಿಸಿದೆ.

  ಕೊರೊನಾ ನಿಯಂತ್ರಣದ ಕುರಿತು ಬುಧವಾರ ಸಂಜೆ ನಡೆದ ಸಚಿವರ ಸಭೆಯಲ್ಲಿ ಲಾಕ್​ಡೌನ್​ ವಿಸ್ತರಣೆ ಕುರಿತಾಗಿ ಚರ್ಚೆ ನಡೆಸಿ ತೀರ್ಮಾನ ತೆಗೆದುಕೊಳ್ಳಲಾಗಿದೆ. ರಾಜ್ಯದಲ್ಲಿ ಕೊರೋನಾ ಸೋಂಕು ಇನ್ನೂ ಸಂಪೂರ್ಣ ನಿಯಂತ್ರಣಕ್ಕೆ ಬಾರದ ಕಾರಣ, ಮುಖ್ಯಮಂತ್ರಿ ಲಾಕ್​ಡೌನ್​ ಮುಂದುವರಿಸುವ ಕಡೆ ಒಲವು ತೋರಿದ್ದು ವಿಸ್ತರಿತ ಲಾಕ್ ಡೌನ್ ವೇಳೆ ಯಾವುದೇ ಸಡಿಲಿಕೆ ಇರುವುದಿಲ್ಲ ಎನ್ನಲಾಗಿದೆ.