ಮಹಾರಾಷ್ಟ್ರದ ಗಡಿಯಲ್ಲಿ ಪೊಲೀಸ್‌, ನಕ್ಸಲರ ನಡುವೆ ಗುಂಡಿನ ಕಾಳಗ - 13 ಮಂದಿ ಹತ

•   Fri, May 21 2021 12:53:56 PM



• ಭುವನೇಶ್ವರ, ಮೇ.21 (DaijiworldNews/PY): ಮಹಾರಾಷ್ಟ್ರದ ಗಡ್ಚಿರೋಲಿ ಜಿಲ್ಲೆಯ ಎಟಪಲ್ಲಿ ಅರಣ್ಯ ಪ್ರದೇಶದಲ್ಲಿ ಮಹಾರಾಷ್ಟ್ರ ಪೊಲೀಸರ ಸಿ -60 ಕಮಾಂಡೋಗಳೊಂದಿಗಿನ ಎನ್ ಕೌಂಟರ್‌ನಲ್ಲಿ 13 ನಕ್ಸಲೀಯರು ಮೃತಪಟ್ಟಿದ್ದಾರೆ ಎಂದು ಹಿರಿಯ ಅಧಿಕಾರಿಯೋರ್ವರು ಶುಕ್ರವಾರ ತಿಳಿಸಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  "ಶುಕ್ರವಾರ ಬೆಳಗ್ಗೆ 5.30ರ ಸುಮಾರಿಗೆ ಕೋಟ್ಮಿ ಬಳಿಯ ಅರಣ್ಯ ಪ್ರದೇಶದಲ್ಲಿ ಸಭೆಗಾಗಿ ಜಮಾಯಿಸಿದ್ದ ಸಂದರ್ಭ ಸಿ-60 ಕಮಾಂಡೊ ಪೊಲೀಸರು ಹಾಗೂ ನಕ್ಸಲರ ನಡುವೆ ಎನ್‌ಕೌಂಟರ್‌ ಪ್ರಾರಂಭವಾಯಿತು" ಎಂದು ಗಡ್ಚೊಲಿ ಜಿಲ್ಲೆಯ ಡಿಐಜಿ ಸಂದೀಪ್ ಪಾಟೀಲ್ ಹೇಳಿದ್ದಾರೆ.

  "ಸುಮಾರು ಒಂದು ಗಂಟೆಯ ಕಾಲ ಎನ್‌ಕೌಂಟರ್‌‌ ನಡೆದಿದ್ದು, ಈ ವೇಳೆ ಕೆಲವು ನಕ್ಸಲರು ಪರಾರಿಯಾಗಿದ್ದಾರೆ" ಎಂದು ಪೊಲೀಸ್ ವರಿಷ್ಠಾಧಿಕಾರಿ ಅಂಕಿತ್ ಗೋಯ ಸುದ್ದಿಸಂಸ್ಥೆಯೊಂದಕ್ಕೆ ಮಾಹಿತಿ ನೀಡಿದ್ದಾರೆ.
  
  "ನಕ್ಸಲರ ಶವಗಳನ್ನು ವಶಪಡಿಸಿಕೊಳ್ಳಲಾಗಿದ್ದು, ಘಟನಾ ಸ್ಥಳದಲ್ಲಿ ಶೋಧ ಕಾರ್ಯಾಚರಣೆ  ಮುಂದುವರಿದಿದೆ" ಎಂದಿದ್ದಾರೆ.