ಕರ್ನಾಟಕದಲ್ಲಿ ಮಂಗಳವಾರ 30,309 ಕೊರೊನಾ ಪ್ರಕರಣ ಪತ್ತೆ - ಒಂದೇ ದಿನ 525 ಮಂದಿ ಮೃತ್ಯು

•   Tue, May 18 2021 08:19:35 PM



• ಬೆಂಗಳೂರು, ಮೇ.18 (DaijiworldNews/HR): ಕರ್ನಾಟಕದಲ್ಲಿ ಮಂಗಳವಾರ 30, 309 ಜನರಲ್ಲಿ ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿದ್ದು, ಒಂದೇ ದಿನ 525 ಮಂದಿ ಸಾವನ್ನಪ್ಪಿದ್ದಾರೆ.

  

  ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ, ಕಳೆದ 24 ಗಂಟೆಯಲ್ಲಿ ಕರ್ನಾಟಕದಲ್ಲಿ 30,309 ಜನರಲ್ಲಿ ಕೊರೊನಾ ಪಾಸಿಟಿವ್ ಸೋಂಕು ಇರುವುದು ಪತ್ತೆಯಾಗಿದ್ದು, ಇದೇ ಅವಧಿಯಲ್ಲಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿರುವವರ ಸಂಖ್ಯೆ 58395 ಆಗಿದೆ.

  ಇನ್ನು ಇಂದು 525 ಮಂದಿ ಕೊರೊನಾ ಸೋಂಕಿನಿಂದ ಮೃತ ಪಟ್ಟಿದ್ದು, ರಾಜ್ಯದಲ್ಲಿ ಮಹಾಮಾರಿ ಸೋಂಕಿಗೆ ಇದುವರೆಗೆ 22838 ಜನರು ಬಲಿಯಾಗಿದ್ದಾರೆ.

  ಆಸ್ಪತ್ರೆಗಳಿಂದ 58,395 ಬಿಡುಗಡೆ ಹೊಂದಿದ್ದು, ಇದುವರೆ ರಾಜ್ಯದಲ್ಲಿ ಒಟ್ಟು 16,74,487 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.