ಕೊರೊನಾ ಹೆಚ್ಚಳ- ಉತ್ತರಪ್ರದೇಶದಲ್ಲಿ ಮೇ 24ರವರೆಗೆ ಲಾಕ್‌ಡೌನ್‌ ವಿಸ್ತರಣೆ

•   Sun, May 16 2021 09:39:11 AM



• ಲಕ್ನೋ, ಮೇ.16 (DaijiworldNews/PY): ಉತ್ತರಪ್ರದೇಶದಲ್ಲಿ ಕೊರೊನಾ ಸೋಂಕು ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದ್ದು, ಈ ಹಿನ್ನೆಲೆ ರಾಜ್ಯ ಸರ್ಕಾರ ಮೇ 24ರವರೆಗೆ ಲಾಕ್‌ಡೌನ್‌ ವಿಸ್ತರಣೆ ಮಾಡಿದೆ.

  

  ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ಉನ್ನತ ಅಧಿಕಾರಿಗಳೊಂದಿಗೆ ನಡೆಸಿದ ಸಭೆಯ ನಂತರ ಲಾಕ್‌‌ಡೌನ್‌ ವಿಸ್ತರಣೆ ತೀರ್ಮಾನ ಕೈಗೊಂಡಿದ್ದಾರೆ.

  ಪಶ್ಚಿಮ ಬಂಗಾಳದಲ್ಲೂ ದಿನೇ ದಿನೇ ಕೊರೊನಾ ಸೋಂಕು ಪ್ರಕರಣಗಳ ಸಂಖ್ಯೆ ಏರಿಕೆಯಾಗುತ್ತಿದ್ದು, ಈ ಹಿನ್ನೆಲೆ ಪಶ್ಚಿಮ ಬಂಗಾಳ ಸರ್ಕಾರ ಮೇ 16ರಿಂದ ಮೇ 30ರವರೆಗೆ ಲಾಕ್‌ಡೌ‌ನ್‌ ಘೋಷಿಸಿದೆ.

  ರಾಜ್ಯ ಸರ್ಕಾರ ಘೋಷಿಸಿದ ಹಲವು ಹೊಸ ಕ್ರಮಗಳ ಜೊತೆ ಲಾಕ್‌ಡೌನ್‌ ಅನ್ನು ಮೇ 30ರ ತನಕ ಜಾರಿ ಮಾಡಲಾಗಿದ್ದು, ಅಗತ್ಯ ಸೇವೆಗಳಿಗೆ ಮಾತ್ರವೇ ಅವಕಾಶ ನೀಡಲಾಗಿದೆ.