ಪ್ರಸಿದ್ಧ ವಿಜ್ಞಾನಿ, ಪದ್ಮಶ್ರೀ ಪುರಸ್ಕೃತ ಮನಸ್ ಬಿಹಾರಿ ವರ್ಮಾ ನಿಧನ

•   Tue, May 04 2021 06:13:17 PM



• ಪಾಟ್ನಾ, ಮೇ.04 (DaijiworldNews/HR): ದೇಶದ ಮೊದಲ ಲಘು ಯುದ್ಧ ಯುದ್ಧ ವಿಮಾನ ತೇಜಸ್' ಅಭಿವೃದ್ಧಿಯಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಏರೋನಾಟಿಕಲ್ ವಿಜ್ಞಾನಿ ಮನಸ್ ಬಿಹಾರಿ ವರ್ಮಾ (78) ಹೃದಯಾಘಾತದಿಂದ ನಿಧನರಾಗಿದ್ದಾರೆ ಎಂದು ತಿಳಿದು ಬಂದಿದೆ.

  

  ವರ್ಮಾ ಅವರ ನಿಧನಕ್ಕೆ ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ದುಃಖ ವ್ಯಕ್ತಪಡಿಸಿದ್ದು, "ಪ್ರಸಿದ್ಧ ವಿಜ್ಞಾನಿ ಪದ್ಮಶ್ರೀ ಮನಸ್ ಬಿಹಾರಿ ವರ್ಮಾ ಜಿ ಅವರ ನಿಧನವು ತುಂಬಾ ದುಃಖಕರವಾಗಿದೆ. ಅವರ ಸಾವು ವಿಜ್ಞಾನ ಜಗತ್ತಿಗೆ ಸರಿಪಡಿಸಲಾಗದ ಹಾನಿಯನ್ನುಂಟು ಮಾಡಿದೆ. ಅವರ ಕೊಡುಗೆಯನ್ನು ರಾಷ್ಟ್ರವು ಯಾವಾಗಲೂ ನೆನಪಿಸಿಕೊಳ್ಳುತ್ತದೆ. ಅಗಲಿದ ಆತ್ಮಕ್ಕೆ ದೇವರು ಶಾಂತಿ ನೀಡಲಿ" ಟ್ವೀಟ್ ಮಾಡಿದ್ದಾರೆ.

  ತನ್ನ 35 ವರ್ಷಗಳ ಸುದೀರ್ಘ ವೃತ್ತಿಜೀವನದಲ್ಲಿ ಎಪಿಜೆ ಅಬ್ದುಲ್ ಕಲಾಂ ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡಿದ ವರ್ಮಾ, ರಕ್ಷಣಾ ಸಂಶೋಧನಾ ಅಭಿವೃದ್ಧಿ ಸಂಸ್ಥೆಯಲ್ಲಿ (ಟಿ.ಜೆ. ಡಿಆರ್‌ಡಿಒ) ಬೆಂಗಳೂರಿನಲ್ಲಿ ಕೆಲಸ ಮಾಡಿದ್ದಾರೆ.

  ಇನ್ನು 2018 ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದಿರುವ ವರ್ಮಾ ಅವರು ಪ್ರಖ್ಯಾತ ವಿಜ್ಞಾನಿಗಳಾಗಿ ನಿವೃತ್ತಿಯಾದ ನಂತರ ಗ್ರಾಮೀಣ ಪ್ರದೇಶದಲ್ಲಿ ಕೆಲಸ ಮಾಡುವ ಶಿಕ್ಷಣ ತಜ್ಞರ ಪಾತ್ರಕ್ಕೆ ಮನಬಂದಂತೆ ಪರಿವರ್ತನೆಗೊಂಡರು.

  प्रसिद्ध वैज्ञानिक पद्मश्री मानस बिहारी वर्मा जी का निधन अत्यंत दुखद है। उनके निधन से विज्ञान जगत को अपूरणीय क्षति हुई है। राष्ट्र उनके योगदान को हमेशा याद रखेगा। ईश्वर दिवंगत आत्मा को चिर शांति प्रदान करें।

  — Nitish Kumar (@NitishKumar) May 4, 2021