ಪಂಚರಾಜ್ಯಗಳಲ್ಲಿ ವಿಜಯದ 'ಮ್ಯಾಜಿಕ್ ನಂಬರ್ ' ಯಾವುದು?

•   Sun, May 02 2021 10:16:13 AM



• ನವದೆಹಲಿ, ಮೇ.02 (DaijiworldNews/HR): ಕೊರೊನಾ ನಡುವೆಯು ಅಸ್ಸಾಂ, ಕೇರಳ, ತಮಿಳುನಾಡು, ಪಶ್ಚಿಮ ಬಂಗಾಳ ಮತ್ತು ಪುದುಚೇರಿಯಲ್ಲಿ ಮತದಾನ ನಡೆದಿದ್ದು, ಇಂದು ಬೆಳಗ್ಗೆ 8 ಗಂಟೆಯಿಂದ ಮತ ಎಣಿಕೆ ನಡೆಯುತ್ತಿದ್ದು ಫಲಿತಾಂಶಕ್ಕೆ ಕ್ಷಣಗಣನೆ ಆರಂಭವಾಗಿದೆ.

  

  ಈ ಐದು ರಾಜ್ಯಗಳಲ್ಲಿ ಗೆಲುವು ಸಾಧಿಸಲು ಬೇಕಾದ ಮ್ಯಾಜಿಕ್ ನಂಬರ್‌ಗಳ ಪಟ್ಟಿ ಇಂತಿದೆ:

  ಅಸ್ಸಾಂನಲ್ಲಿ ಒಟ್ಟು 126 ಕ್ಷೇತ್ರಗಳಲ್ಲಿ ಚುನಾವಣೆ ನಡೆದಿದ್ದು, 64 ಕ್ಷೇತ್ರಗಳಲ್ಲಿ ಗೆಲ್ಲುವವರು ಅಧಿಕಾರದ ಗದ್ದುಗೆ ಏರಲಿದ್ದಾರೆ.

  ಕೇರಳದಲ್ಲಿ ಒಟ್ಟು 140 ಮತ ಕ್ಷೇತ್ರಗಳಲ್ಲಿ ಮತದಾನ ನಡೆದಿದ್ದು, 71 ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸುವ ಪಕ್ಷ ಅಲ್ಲಿನ ಅಧಿಕಾರವನ್ನು ಹಿಡಿಯಲಿದೆ.

  ತಮಿಳುನಾಡಿನಲ್ಲಿ 234 ಕ್ಷೇತ್ರಗಳಿದ್ದು, 118 ಕ್ಷೇತ್ರಗಳಲ್ಲಿ ಜಯಗಳಿಸಿದವರು ವಿಜಯಮಾಲೆಯನ್ನು ಹಾಕಿಕೊಂಡು ಅಧಿಕಾರ ನಡೆಸಲಿದ್ದಾರೆ.

  ಪಶ್ಚಿಮ ಬಂಗಾಳ ಒಟ್ಟು 294 ಕ್ಷೇತ್ರಗಳಿಗೆ ಮತದಾನ ನಡೆದಿದ್ದು, 148 ಕ್ಷೇತ್ರಗಳಲ್ಲಿ ಗೆದ್ದವರು ಅಧಿಕಾರದ ಚುಕ್ಕಾಣಿ ಹಿಡಿಯಲಿದ್ದಾರೆ.

  ಇನ್ನು ಚಿಕ್ಕ ರಾಜ್ಯವಾದ ಪುದುಚೆರಿಯಲ್ಲಿ 33 ಕ್ಷೇತ್ರಗಳಿಗೆ ಚುನಾವಣೆ ನಡೆದಿದೆ.