ಲಸಿಕೆ ಕೊಡಿಸುವುದಾಗಿ ನಂಬಿಸಿ ಬಾಲಕಿಯ ಮೇಲೆ ಯುವಕರಿಂದ ಗ್ಯಾಂಗ್‌ರೇಪ್‌‌

•   Fri, Apr 30 2021 12:07:58 PM



• ಪಾಟ್ನಾ, ಎ.30 (DaijiworldNews/PY): ಕೊರೊನಾ ಲಸಿಕೆ ಕೊಡಿಸುವುದಾಗಿ ನಂಬಿಸಿ ಬಾಲಕಿಯೋರ್ವಳನ್ನು ಕರೆದೊಯ್ದು ಹಗ್ಗದಿಂದ ಕಟ್ಟಿ ಹಾಕಿ ಗ್ಯಾಂಗ್‌‌‌ರೇಪ್‌‌‌‌ ನಡೆಸಿದ ಘಟನೆ ಪಾಟ್ನಾದಲ್ಲಿ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಆರೋಪಿಗಳನ್ನು ರಾಕಿ ಹಾಗೂ ಮೋಂಟು ಎಂದು ಗುರುತಿಸಲಾಗಿದೆ.

  ಆರೋಗ್ಯ ಕೇಂದ್ರದಲ್ಲಿ ಬಾಲಕಿಯನ್ನು ಭೇಟಿಯಾಗಿದ್ದ ಆರೋಪಿಗಳು, ಆಕೆಗೆ ಲಸಿಕೆ ನೀಡಿವುದಾಗಿ ನಂಬಿಸಿ, ಬಳಿಕ ಆಕೆಯನ್ನು ನಿರ್ಜನ ಮನೆಯೊಂದಕ್ಕೆ ಕರೆದೊಯ್ದು ಗ್ಯಾಂಗ್‌ರೇಪ್‌‌ ಮಾಡಿದ್ದಾರೆ.

  ಬಳಿಕ ಮನೆಗೆ ವಾಪಾಸ್ಸಾದ ಬಾಲಕಿ ಈ ವಿಚಾರವನ್ನು ತನ್ನ ಪೋಷಕರ ಬಳಿ ಹೇಳಿದ್ದು, ಬಾಲಕಿಯ ಪೋಷಕರು ಕೂಡಲೇ ಸ್ಥಳೀಯ ಪೊಲೀಸ್‌ ಠಾಣೆಗೆ ತೆರಳಿ ದೂರು ದಾಖಲಿಸಿದ್ದಾರೆ. ಈ ವೇಳೆ ಸಂತ್ರಸ್ತೆ, ಹ್ಯಾಂಡ್‌ ಕರ್ಚೀಫ್‌‌ನಿಂದ ಬಾಯಿ ಮುಚ್ಚಿ, ತನ್ನ ಕೈ-ಕಾಲುಗಳನ್ನು ಕಟ್ಟಿಹಾಕಿದ್ದರು ಎಂದು ಪೊಲೀಸರ ಮುಂದೆ ಹೇಳಿಕೆ ನೀಡಿದ್ದಾಳೆ.

  ಸಂತ್ರಸ್ತೆಯ ಹೇಳಿಕೆಯ ಆಧಾರದ ಮೇಲೆ ಪೊಲೀಸರು ಆರೋಪಿಗಳ ಮನೆಯ ಮೇಲೆ ದಾಳಿ ನಡೆಸಿದ್ದು, ಇಬ್ಬರನ್ನು ಬಂಧಿಸಿದ್ದಾರೆ. ಸದ್ಯ ಪೊಲೀಸರು ಆರೋಪಿಗಳ ವಿಚಾರಣೆ ನಡೆಸುತ್ತಿದ್ದಾರೆ.