ದೇಶದಲ್ಲಿ ಒಂದೇದಿನ 3.62 ಲಕ್ಷ ಮಂದಿಗೆ ಕೊರೊನಾ ಸೋಂಕು, 3,285 ಮಂದಿ ಬಲಿ

•   Wed, Apr 28 2021 10:17:53 AM



• ನವದೆಹಲಿ, ಎ.28 (DaijiworldNews/PY): ದೇಶದಲ್ಲಿ ದಿನೇ ದಿನೇ ಕೊರೊನಾ ಸೋಂಕು ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದ್ದು, ಕಳೆದ 24 ಗಂಟೆಯಲ್ಲಿ 3,62,770 ಹೊಸ ಪ್ರಕರಣಗಳು ಪತ್ತೆಯಾಗಿವೆ.

  

  ಅಲ್ಲದೇ, ಕಳೆದ 24 ಗಂಟೆಯಲ್ಲಿ 3,285 ಜನರು ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ. ಈವರೆಗೆ ದಿನವೊಂದರಲ್ಲಿ ಕೊರೊನಾದಿಂದ ಸಾವನ್ನಪ್ಪಿದ ಅತ್ಯಧಿಕ ಸಂಖ್ಯೆಯಾಗಿದೆ.

  ಸತತ ಎರಡನೇ ವಾರವೂ ಲಾಕ್‌ಡೌನ್‌‌‌ ಮುಂದುವರೆದಿರುವ ದೆಹಲಿಯಲ್ಲಿ ಕಳೆದ 24 ಗಂಟೆಗಳಲ್ಲಿ 24,149 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಪರೀಕ್ಷೆಗೆ ಒಳಪಟ್ಟಿರುವ 73,811 ಮಂದಿಯ ಪೈಕಿ ಶೇ 32.72 ಮಂದಿಗೆ ಸೋಂಕು ಪತ್ತೆಯಾಗಿದೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

  ಈ ನಡುವೆ ಸೋಂಕಿನಿಂದ 17,862 ಜನ ಗುಣಮುಖರಾಗಿದ್ದಾರೆ. ಸದ್ಯ 98,264 ಸಕ್ರಿಯ ಪ್ರಕರಣಗಳಿವೆ.