ಮುಂಬೈ, ಏ 27 (DaijiworldNews/MS): ಕೊರೊನಾ ವಿರುದ್ದ ಹೋರಾಟದಲ್ಲಿ ಇಂಟ್ರಾನೇಸಲ್ (ಮೂಗಿಗೆ ಹಾಕುವ ಎರಡು ಹನಿ) ಲಸಿಕೆಯೂ ಗೇಮ್ ಚೇಂಜರ್ ಆಗಬಹುದು ಎಂಬ ಆಶಾವಾದ ಮೂಡಿದೆ. ಹೌದು, ಹೈದರಾಬಾದ್ ಮೂಲದ ಭಾರತ್ ಬಯೋಟೆಕ್ಇಂಟ್ರಾನೇಸಲ್ ಮೂಗಿನ ಮೂಲಕ ಹಾಕುವ ಲಸಿಕೆಯ ಕ್ಲಿನಿಕಲ್ ಪ್ರಯೋಗವನ್ನು ಪ್ರಾರಂಭಿಸಿದ್ದು , ಈ ಲಸಿಕೆಯ ಅಭಿವೃದ್ಧಿಗೆ ವಾಷಿಂಗ್ಟನ್ ಯೂನಿವರ್ಸಿಟಿ ಸ್ಕೂಲ್ ಆಫ್ ಮೆಡಿಸಿನ್ ಜತೆ ಭಾರತ್ ಬಯೋಟೆಕ್ ಒಪ್ಪಂದ ಮಾಡಿಕೊಂಡಿದೆ.
ಪ್ರಸ್ತುತ ಎರಡು ಡೋಸ್ ಇರುವ ಲಸಿಕೆಗಳನ್ನು ಸಿರಿಂಜ್ ಬಳಸಿ ನೀಡಲಾಗುತ್ತಿದ್ದು ಭಾರತದಂತಹ ದೇಶಕ್ಕೆ ಇಡೀ ಜನಸಂಖ್ಯೆಯನ್ನು ಚುಚ್ಚುಮದ್ದು ಮಾಡಲು ಕನಿಷ್ಠ 260 ಕೋಟಿ ಸಿರಿಂಜಿನ ಅಗತ್ಯವಿರುತ್ತದೆ. ಇದರಿಂದ ವೆಚ್ಚ ಕೂಡ ಅಧಿಕವಾಗುತ್ತದೆ. ಇದು ಮಾಲಿನ್ಯಕ್ಕೂ ಕಾರಣವಾಗುತ್ತದೆ. ಆದರೆ ಇದರ ಬದಲು ಮೂಗಿನ ರಂಧ್ರಗಳಲ್ಲಿ 2 ಹನಿ ಇಂಟ್ರಾ ನೇಸಲ್ ಲಸಿಕೆ ಹಾಕಿದರೆ ಪರಿಣಾಮಕಾರಿ ಹಾಗೂ ಲಸಿಕೆ ದುಬಾರಿ ವೆಚ್ಚವೂ ತಪ್ಪತ್ತದೆ ಎಂದು ಭಾರತ್ ಬಯೋಟೆಕ್ ಮುಖ್ಯಸ್ಥರು ಹೇಳಿದ್ದಾರೆ.
ಆದರೆ ಇಂಟ್ರಾನೇಸಲ್ ಲಸಿಕೆ ಮೂಗಿನಲ್ಲಿ ಬಿಡುವ ಎರಡು ಹನಿ ಲಸಿಕೆಯಾಗಿದ್ದು ಇದು ಕೇವಲ 14 ದಿನಗಳಲ್ಲಿ ನಿಮ್ಮ ದೇಶದಲ್ಲಿ ಪ್ರತಿಕಾಯವನ್ನು ಸೃಷ್ಟಿ ಮಾಡಲಿದೆ. ಒಂದೇ ಡೋಸ್ ನ ಔಷಧವಾಗಿದೆ. ಅಲ್ಲದೆ ಬೇರೆ ರೀತಿಯ ಅಡ್ಡಪರಿಣಾಮಗಳಿಲ್ಲ ಎಂದು ಹೇಳಲಾಗಿದೆ.
ಹಲವಾರು ವೈರಸ್ ವೈರಸ್ ದೇಹಕ್ಕೆ ಪ್ರವೇಶಿಸುವುದೇ ಮೂಗಿನ ಮೂಲಕ ವೈರಸ್ ಮೊದಲು ಮೂಗಿನ ಕುಳಿಯಲ್ಲಿ ದೃಢವಾಗಿ ಸ್ಥಾಪಿತವಾಗಿ ಬಳಿಕ ಇತರ ಭಾಗಗಳ ದೇಹಕ್ಕೆ ಹರಡುತ್ತದೆ ಜೊತೆಗೆ ಶ್ವಾಸಕೋಶದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ ಎಂದು ಹಲವಾರು ಅಧ್ಯಯನಗಳು ವಿವರಿಸುತ್ತದೆ. ಹೀಗಾಗಿ ಭಾರತ್ ಬಯೋಟೆಕ್ ನ ಕ್ಲಿನಿಕಲ್ ಟ್ರಯಲ್ ನಲ್ಲಿ ಇರುವ ಇಂಟ್ರಾನಾಸಲ್ ಲಸಿಕೆಯೂ ಗೇಮ್ ಚೇಂಜರ್ ಆಗಬಹುದಾಗಿದ್ದು, ಲಸಿಕೆ ಕೇವಲ 14 ದಿನಗಳಲ್ಲಿ ರೋಗನಿರೋಧಕ ಪ್ರತಿಕ್ರಿಯೆಯನ್ನು ಉತ್ತೇಜಿಸುತ್ತದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ.