ಚಿಕ್ಕಬಳ್ಳಾಪುರದಲ್ಲಿ ಸಿಡಿಲು ಬಡಿದು ಮನೆ ಕುಸಿತ - 7 ಮಂದಿಗೆ ಗಂಭೀರ ಗಾಯ

•   Fri, Apr 23 2021 10:11:43 AM



• ಚಿಕ್ಕಬಳ್ಳಾಪುರ, ಏ.23 (DaijiworldNews/HR): ಚಿಂತಾಮಣಿ ತಾಲೂಕಿನ ಸೋಮಯಾಜಲ ಹಳ್ಳಿಯಲ್ಲಿ ಸಿಡಿಲು ಬಡಿದ ಪರಿಣಾಮ ಮನೆ ಕುಸಿದು 7 ಮಂದಿ ಗಾಯಗೊಂಡ ಘಟನೆ ನಡೆದಿದೆ.

  
  ಸಾಂಧರ್ಭಿಕ ಚಿತ್ರ

  ಗಾಯಗೊಂಡವರನ್ನು ಜಗ್ಗಣ್ಣ(60), ಅಂಬರೀಶ್(32), ಗಾಯತ್ರಿ(28), ಗೌತಮ್(3), ವಾಣಿಶ್ರೀ(6), ದರ್ಶನ್(1), ಲಾವಣ್ಯ(4), ಎಂದು ಗುರುತಿಸಲಾಗಿದೆ.

  ಗುರುವಾರ ಸಂಜೆಯ ವೇಳೆ ಸುರಿದ ಮಳೆಯ ಪರಿಣಾಮ ಚಪ್ಪಡಿ ಕಲ್ಲಿನ ಮನೆಗೆ ಸಿಡಿಲು ಬಡಿದು ಮನೆ ಕುಸಿದು ಬಿದ್ದು ಈ ಅವಘಡ ಸಂಭವಿಸಿದೆ ಎಂದು ತಿಳಿದು ಬಂದಿದೆ.

  ಇನ್ನು ಗಾಯಾಳುಗಳನ್ನು ಚಿಂತಾಮಣಿ ತಾಲೂಕು ಆಸ್ಪತ್ರೆಗೆ ದಾಖಲಿಸಿ ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.