ಸಿಎಂ ಬಿಎಸ್‌ವೈಗೆ ಕೊರೊನಾ ನೆಗೆಟಿವ್‌ -ಆಸ್ಪತ್ರೆಯಿಂದ ಬಿಡುಗಡೆ

•   Thu, Apr 22 2021 11:03:57 AM



• ಬೆಂಗಳೂರು, ಎ.22 (DaijiworldNews/PY): ಕೊರೊನಾ ದೃಢಪಟ್ಟು ಆಸ್ಪತ್ರೆಗೆ ದಾಖಲಾಗಿದ್ದ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಅವರು ಎಪ್ರಿಲ್‌ 22ರ ಗುರುವಾರ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

  

  ಸಿಎಂ ಬಿಎಸ್‌ವೈ ಅವರ ಕೊರೊನಾ ವರದಿ ನೆಗೆಟಿವ್‌ ಬಂದಿದ್ದು, ಮಣಿಪಾಲ್‌ ಆಸ್ಪತ್ರೆಯಿಂದ ಅವರು ಡಿಸ್ಚಾರ್ಜ್ ಆಗಿದ್ದಾರೆ.

  ಇಂದು ಸಂಜೆಯೇ ಸಚಿವರ ಸಭೆ ಕರೆಯಲಿದ್ದು, ಕೊರೊನಾ ನಿಯಂತ್ರಣಕ್ಕೆ ಕಠಿಣ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.

  ಬಿಎಸ್‌ವೈ ಅವರಿಗೆ ಉಪಚುನಾವಣಾ ಪ್ರಚಾರದ ಸಂದರ್ಭ ಜ್ವರ ಕಾಣಿಸಿಕೊಂಡಿದ್ದು, ಎಪ್ರಿಲ್‌‌ 16ರಂದು ಎಂ.ಎಸ್‌‌ ರಾಮಯ್ಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಕೊರೊನಾ ಪರೀಕ್ಷೆ ಬಳಿಕ ಸೋಂಕು ತಗುಲಿರುವುದು ದೃಢಪಟ್ಟಿದ್ದು, ಬಳಿಕ ಅವರನ್ನು ಮಣಿಪಾಲ್‌ ಆಸ್ಪತ್ರೆಗೆ ಶಿಫ್ಟ್‌ ಮಾಡಲಾಗಿತ್ತು.