'ಪ್ರಾಣವಾಯು'ಗಾಗಿ ಕೋಲಾಹಲ - ಆಸ್ಪತ್ರೆಗೆ ಅಮ್ಲಜನಕ ಹೊತ್ತ ಟ್ರಕ್ ಬರುತ್ತಿದ್ದಂತೆ ಸಿಲಿಂಡರ್’ಗಳ ದರೋಡೆ

•   Wed, Apr 21 2021 12:35:33 PM



• ಮಧ್ಯಪ್ರದೇಶ,ಏ 21(DaijiworldNews/MS): ಆಸ್ಪತ್ರೆಗೆ ಆಕ್ಸಿಜನ್ ಪೂರೈಸಲು ಬಂದ ಟ್ರಕ್ ನಿಂದ ಅಮ್ಲಜನಕ ಸಿಲಿಂಡರ್ ಗಳನ್ನು ರೋಗಿಗಳ ಸಂಬಂಧಿಕರು ದರೋಡೆ ಮಾಡಿದ ಆಘಾತಕಾರಿ ಘಟನೆ ಮದ್ಯಪ್ರದೇಶದ ದಮೋಹ್‌ ನ ಜಿಲ್ಲಾ ಆಸ್ಪತ್ರೆಯಲ್ಲಿ ನಡೆದಿದೆ.

    

  ಉಪಚುನಾವಣೆಯಾದ ಬಳಿಕ ಕೊರೊನಾ ಸೋಂಕಿನಿಂದ ದಮೋಹ್ ಜಿಲ್ಲೆಯ ಪರಿಸ್ಥಿತಿ ಸಂಪೂರ್ಣ ಹದಗೆಟ್ಟಿದೆ. ನಾಲ್ಕು ದಿನದ ಹಿಂದೆ ಜಿಲ್ಲಾ ಆಸ್ಪತ್ರೆಗೆ ರಾತ್ರಿ ವೇಳೆಗೆ ಅಮ್ಲಜನಕ ಪೂರೈಕೆಗೆ ಟ್ರಕ್ ಆಗಮಿಸಿದ್ದು, ತಕ್ಷಣ ಕೊವೀಡ್ ಕಾರಣದಿಂದ ದಾಖಲಾದ ರೋಗಿಯ ಕುಟುಂಬ ಸದಸ್ಯರು ಸಿಲಿಂಡರ್ ಲೂಟಿ ಮಾಡಲು ಪ್ರಾರಂಭಿಸಿದ್ದಾರೆ. ಇನ್ನು ಕೆಲವರು ಎರಡೆರಡು ಸಿಲಿಂಡರ್ ಹೊತ್ತೊಯ್ದಿದ್ದಾರೆ. ತಕ್ಷಣ ಆಸ್ಪತ್ರೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ

  ಪೊಲೀಸ್ ಬಲದಿಂದ ಸಿಲಿಂಡರ್‌ಗಳಿಗೆ ವಾಪಾಸ್ ಗಾಗಿ ಒತ್ತಡ ಹೇರಿ ಅಮ್ಲಜನಕ ಸಿಲಿಂಡರ್‌ಗಳನ್ನು ವಶಪಡಿಸಿಕೊಳ್ಳಲಾಯಿತು. ಆದರೆ ಬೆಳಗ್ಗೆ ಮತ್ತೆ ಸಿಲಿಂಡ್ ಗಳು ಅಗತ್ಯವಿದ್ದಾಗ, ಮತ್ತೆ ಕೋಲಾಹಲ ಉಂಟಾಯಿತು. ಸಿಲಿಂಡರ್‌ಗಳನ್ನು ಹುಡುಕುತ್ತಿದ್ದ ರೋಗಿಗಳಿಗೆ ಪ್ರೀ ಕೋವಿಡ್ ವಾರ್ಡ್‌ನಿಂದ ಸಿಲಿಂಡರ್‌ಗಳನ್ನು ತರಲು ತಿಳಿಸಲಾಯಿತು ಆದರೆ ಅಲ್ಲಿ ಇದ್ದವರು ಸಿಲಿಂಡರ್‌ಗಳನ್ನು ನೀಡಲು ಸಿದ್ಧರಿಲ್ಲ, ಆದ್ದರಿಂದ ಉದ್ವಿಗ್ನ ಪರಿಸ್ಥಿತಿ ಮತ್ತೆ ಉಂಟಾಯಿತು.

  ಸಿಲಿಂಡರ್ ನೀಡುವಾಗ ಒಬ್ಬ ರೋಗಿಗೆ ಒಂದು ಸಿಲಿಂಡರ್ ಎಂಬ ನಿಯಮವಿದ್ದು, ಆದರೆ ಇಲ್ಲಿ ರೋಗಿಗಳು ಎರಡು ಸಿಲಿಂಡರ್‌ಗಳನ್ನು ಒಂದೇ ಸ್ಥಳದಲ್ಲಿ ಇಡುತ್ತಿದ್ದಾರೆ, ಸಿಲಿಂಡರ್ ಖಾಲಿಯಾಗುತ್ತದೆ ಎಂದು ಭಯಪಟ್ಟು ಅಮ್ಲಜನಕ ಸಿಲಿಂಡರ್ ಗಳನ್ನು ವಾಪಾಸ್ ನೀಡಲು ಹೆದರುತ್ತಿದ್ದಾರೆ.

  ಆಮ್ಲಜನಕ ಸಿಲಿಂಡರ್ ಟ್ರಕ್ ಬಂದಾಗ, ರೋಗಿಯ ಕುಟುಂಬವು ಸಿಲಿಂಡರ್ ದರೋಡೆ ಮಾಡುತ್ತಿದೆ. ಸಿಲಿಂಡರ್ ಲೂಟಿ ಮಾಡುವ ಪ್ರಕ್ರಿಯೆ ಮರುಕಳಿಸಿದಾಗ ಆಸ್ಪತ್ರೆಯ ಉದ್ಯೋಗಿಗಳು ಕೈಚೆಲ್ಲಿ ಆಸ್ಪತ್ರೆಯ ಹೊರಗೆ ನಿಂತು ಪ್ರತಿಭಟಿಸಿದೆವು. ಇದು ಮತ್ತಷ್ಟು ಕೋಲಾಹಲವನ್ನು ಸೃಷ್ಟಿಸಿತು. 4 ದಿನಗಳಿಂದ ಪೊಲೀಸ್ ರಕ್ಷಣೆ ನೀಡುವ ಬೇಡಿಕೆ ಇಟ್ಟಿದ್ದೇವೆ ಸಿಎಂಹೆಚ್‌ಒ ಡಾ. ಸಂಗೀತಾ ತ್ರಿವೇದಿ, ಸಿವಿಲ್ ಸರ್ಜನ್ ಡಾ.ಮಮತಾ ತಿಮೋರಿ ತಿಳಿಸಿದ್ದಾರೆ. ಎಸ್‌ಪಿಗೆ ಪತ್ರ ನೀಡಿದ್ದರೂ ಜಿಲ್ಲಾ ಆಸ್ಪತ್ರೆಯಲ್ಲಿ ಪೊಲೀಸರನ್ನು ಒದಗಿಸುತ್ತಿಲ್ಲ ಎಂದು ದೂರಿದ್ದಾರೆ.