22 ವರ್ಷದ ಅಳಿಯನಿಗೆ ಕೋವಿಡ್‌ ಲಸಿಕೆ - ದೇವೇಂದ್ರ ಫಡ್ನವೀಸ್ ವಿರುದ್ದ ತೀವ್ರ ಟೀಕೆ

•   Tue, Apr 20 2021 04:50:51 PM



• ಮುಂಬೈ, ಏ 20(DaijiworldNews/MS): ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ, ವಿರೋಧಪಕ್ಷದ ನಾಯಕ ದೇವೇಂದ್ರ ಫಡ್ನವೀಸ್ ಅವರ ಅಳಿಯ ಕೊರೊನಾವೈರಸ್ ಸೋಂಕಿನ ಲಸಿಕೆ ಹಾಕಿಸಿಕೊಂಡಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ತೀವ್ರ ಟೀಕೆಗೆ ಗುರಿಯಾಗಿದೆ.

  

  ದೇವೇಂದ್ರ ಫಡ್ನವೀಸ್ ಅವರ ಸೋದರಳಿಯ, 22 ವರ್ಷದ ತನ್ಮಯ್‌ ನಾಗಪುರದ ರಾಷ್ಟ್ರೀಯ ಕ್ಯಾನ್ಸರ್‌ ಸಂಸ್ಥೆಯಲ್ಲಿ ಅವರು ಕೋವಿಡ್‌ ಲಸಿಕೆಯನ್ನು ಪಡೆದಿದ್ದು, ನಿಯಮಗಳ ಪ್ರಕಾರ 5 ವರ್ಷದ ಮೀರಿದವರಷ್ಟೇ ಲಸಿಕೆ ಪಡೆಯಲು ಅರ್ಹರರಾಗಿದ್ದಾರೆ. ತನ್ಮಯ್ ಮುಂಬೈನಲ್ಲಿ ಮೊದಲ ಡೋಸ್ ಹಾಗೂ ನಾಗ್ಪುರದ ರಾಷ್ಟ್ರೀಯ ಕ್ಯಾನ್ಸರ್ ಸಂಸ್ಥೆಯಲ್ಲಿ ಎರಡನೇ ಡೋಸ್ ಲಸಿಕೆ ಹಾಕಿಸಿಕೊಂಡಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದ್ದರು . ಬಳಿಕ ಆ ಚಿತ್ರವನ್ನು ಡಿಲೀಟ್ ಮಾಡಿದ್ದರು.

  ಬಿಜೆಪಿಯವರಿಗೆ ಕೊರೊನಾವೈರಸ್ ಲಸಿಕೆ ಹಾಕಿಸಿಕೊಳ್ಳುವುದಕ್ಕೆ ವಿಶೇಷ ನಿಯಮವಿದೆಯೇ ಎಂದು ಮಾರ್ಗಸೂಚಿ ನಿಯಮ ಉಲ್ಲಂಘನೆಗಾಗಿ ಮಹಾವಿಕಾಸ ಆಘಾಡಿ ನೇತೃತ್ವದ ಸರ್ಕಾರದ ಮೈತ್ರಿ ಪಕ್ಷಗಳು ಈಗ ಬಿಜೆಪಿ ಮತ್ತು ಫಡಣವೀಸ್‌ ವಿರುದ್ಧ ಟೀಕಾಪ್ರಹಾರ ನಡೆಸಿದ್ದು ತನಿಖೆಗೆ ಒತ್ತಾಯಿಸಿದೆ.

  ಕೋವಿಡ್‌ ಮಾರ್ಗಸೂಚಿಗಳ ಪ್ರಕಾರ, ಸದ್ಯ 45 ವರ್ಷದ ಮೀರಿದವರಷ್ಟೇ ಲಸಿಕೆ ಪಡೆಯಲು ಅರ್ಹರಾಗಿದ್ದು, ಮೇ 1ರಿಂದ ಜಾರಿಗೆ ಬರುವಂತೆ 18 ವರ್ಷ ಮೀರಿದವರೂ ಲಸಿಕೆ ಪಡೆಯಬಹುದು ಎಂದು ಕೇಂದ್ರ ತಿಳಿಸಿದೆ.