ಬಾಂಗ್ಲಾ ಬಾಲಕಿ ಕರೆತಂದು ದಂಪತಿಗಳಿಂದ ವೇಶ್ಯಾವಾಟಿಕೆ -ಮೂವರ ಬಂಧನ

•   Sun, Apr 18 2021 10:00:26 AM



• ಸೂರತ್, ಏ. 18 (DaijiworldNews/HR): ವೇಶ್ಯಾವಾಟಿಕೆಗಾಗಿ ಬಾಂಗ್ಲಾದೇಶದಿಂದ ಕರೆದುಕೊಂಡು ಬಂದಿದ್ದ 17 ವರ್ಷದ ಬಾಲಕಿಯನ್ನು ರಕ್ಷಿಸಿ, ಮೂವರನ್ನು ಬಂಧಿಸಿದ ಘಟನೆ ಗುಜರಾತ್‌‌ನ ಸೂರತ್‌‌ನಲ್ಲಿ ನಡೆದಿದೆ.

  

  ಸಾಂಧರ್ಭಿಕ ಚಿತ್ರ

  ಬಂಧಿತರನ್ನು ಮಿಜಾನೂರ್ ಅಲಿಯಾಸ್ ಶರೀಫುಲ್ ಶೈಲ್ಕ್(36), ಅವರ ಪತ್ನಿ ಅಜ್ಮಿರಾ ಖಾತುನ್(32) ಮತ್ತು ಏಜೆಂಟ್ ಮುರ್ತುಜಾ ಶೇಖ್(31) ಎಂದು ಗುರುತಿಸಲಾಗಿದೆ.

  ನಿರುದ್ಯೋಗಿ ದಂಪತಿ ಹಣ ಸಂಪಾದಿಸಲು ಬಾಲಕಿಯನ್ನು ಕರೆತಂದು ವೇಶ್ಯಾವಾಟಿಕೆಗೆ ತಳ್ಳಲು ಯೋಚಿಸಿದ್ದು, ಕಮ್ರೇಜ್ ಪಟ್ಟಣದಲ್ಲಿ ಕಾರ್ಯಾಚರಣೆ ನಡೆಸಿ ಬಾಂಗ್ಲಾದೇಶದ ಮೂವರನ್ನು ಬಂಧಿಸಲಾಗಿದೆ.

  ಮಿಜಾನೂರ್ ಮತ್ತು ಆತನ ಪತ್ನಿ ಬಾಂಗ್ಲಾದೇಶದಿಂದ ಅಕ್ರಮವಾಗಿ ಭಾರತಕ್ಕೆ ಪ್ರವೇಶಿಸಿದ್ದು, ಸೂರತ್ ಜಿಲ್ಲೆಯ ಖೋಲ್ವಾಡ್ ಗ್ರಾಮದಲ್ಲಿ ವಾಸಿಸುತ್ತಿದ್ದಾರೆ. ಆದಾಯ ಮೂಲವಿಲ್ಲದ ಅವರು ತಮ್ಮ ತಾಯ್ನಾಡಿನಿಂದ ಹುಡುಗಿಯನ್ನು ಕರೆದುಕೊಂಡು ಬಂದು ಮಾಂಸವ್ಯಾಪಾರ ನಡೆಸಲು ಮುಂದಾಗಿದ್ದರು. ವೇಶ್ಯಾವಾಟಿಕೆ ಉದ್ದೇಶಕ್ಕಾಗಿ ಬಾಲಕಿಯನ್ನು ಬಾಂಗ್ಲಾದೇಶದಿಂದ ಭಾರತಕ್ಕೆ ಕರೆತರಲು ಅಂಕಲೇಶ್ವರ ನಿವಾಸಿ ಮುರ್ತುಜಾ ಶೇಖ್ ಸಂಪರ್ಕಿಸಿ 15,000 ರೂ.ಗೆ ಹುಡುಗಿ ಕರೆತಂದಿದ್ದಾರೆ. ಹುಡುಗಿಯನ್ನು ಭಾರತದೊಳಗೆ ಪ್ರವೇಶಿಸಲು ವ್ಯವಸ್ಥೆ ಮಾಡಿದ ಏಜೆಂಟರಿಗೆ 4000 ರೂ. ಕೊಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.