'ರಂಜಾನ್‌‌‌‌‌ ವೇಳೆ ಲಸಿಕೆ ಪಡೆದುಕೊಂಡರೆ ಉಪವಾಸ ಭಂಗವಾಗಲ್ಲ' - ಫತ್ವಾ

•   Thu, Apr 15 2021 05:19:02 PM



• ಲಕ್ನೋ, ಎ.15 (DaijiworldNews/PY): "ರಂಜಾನ್‌ ಸಂದರ್ಭಲ್ಲಿ ಕೊರೊನಾ ಲಸಿಕೆ ಪಡೆಯಬಹುದಾಗಿದೆ" ಎಂದು ಲಖ್ನೋದ ದಾರುಲ್‌‌ ಇಫ್ತಾ ಫರಂಗಿ ಮಹಲ್‌‌ ಫತ್ವಾ ಹೊರಡಿಸಿದೆ.

  
  ಸಾಂದರ್ಭಿಕ ಚಿತ್ರ

  "ಕೊರೊನಾ ಲಸಿಕೆ ಪಡೆಯುವುದರಿಂದ ರೋಸಾ ಮುರಿಯುವುದಿಲ್ಲ. ರಂಜಾನ್‌ ತಿಂಗಳಿನಲ್ಲಿ ಉಪವಾಸದ ಸ್ಥಿತಿಯಲ್ಲಿ ಕೊರೊನಾ ಲಸಿಕೆ ತೆಗೆದುಕೊಳ್ಳಬಹುದು" ಎಂದು ತಿಳಿಸಿದೆ.

  "ಕೊರೊನಾ ಲಸಿಕೆ ಪಡೆಯುವುದು ಅನೂರ್ಜಿತವಲ್ಲ ಎಂದು ಧರ್ಮ ಗುರುಗಳು ಹೇಳಿದ್ದಾರೆ. ಕೊರೊನಾ ಲಸಿಕೆ ಆಹಾರವಲ್ಲ. ರಂಜಾನ್‌ ಉಪವಾಸದ ಸಂದರ್ಭ ಕೊರೊನಾ ಲಸಿಕೆ ಪಡೆದುಕೊಳ್ಳಬಹುದು" ಎಂದು ಮನವಿ ಮಾಡಲಾಗಿದೆ.

  "ಕೊರೊನಾ ಲಸಿಕೆ ರಕ್ತನಾಳ ಸೇರುತ್ತದೆ. ಹೊಟ್ಟೆಯೊಳಗೆ ಅಲ್ಲ. ಇದರಿಂದ ಉಪವಾಸ ಉಲ್ಲಂಘನೆಯಾಗುವುದಿಲ್ಲ. ಕೊರೊನಾ ಲಸಿಕೆಯನ್ನು ಪಡೆದುಕೊಳ್ಳಬಹುದು" ಎಂದು ಫತ್ವಾದಲ್ಲಿ ತಿಳಿಸಲಾಗಿದೆ.