ಹೆಲ್ಮೆಟ್​ ಇಲ್ಲದೆ ತ್ರಿಬಲ್​ ರೈಡಿಂಗ್​ ಹೋದ ಲೇಡಿ ಪೊಲೀಸರಿಗೆ ಬಿತ್ತು ದಂಡ

•   Mon, Apr 12 2021 06:20:49 PM



• ತೆಲಂಗಾಣ,ಏ.12 (DaijiworldNews/HR): ಹೆಲ್ಮೆಟ್ ಧರಿಸದೇ ಇರುವುದೂ ಮಾತ್ರವಲ್ಲದೇ ತ್ರಿಬಲ್​ ರೈಡಿಂಗ್​ ನಲ್ಲಿ ಮೊಬೈಲ್​ನಲ್ಲಿ ಮಾತನಾಡಿಕೊಂಡು ಹೋದ ಮೂವರು ಮಹಿಳಾ ಕಾನ್ಸ್​ಟೆಬಲ್​ಗೆ ದಂಡ ವಿಧಿಸಿ ತೆಲಂಗಾಣ ಸರ್ಕಾರ ಆದೇಶಿಸಿದೆ ಎಂದು ತಿಳಿದು ಬಂದಿದೆ.

  

  ಈ ಮೂವರು ಮಹಿಳಾ ಕಾನ್ಸ್​ಟೆಬಲ್​ಗಳಿಗೆ ತಲಾ 3,300 ರೂಪಾಯಿ ದಂಡ ವಿಧಿಸಲಾಗಿದ್ದು, ಜತೆಗೆ ಇಲಾಖಾವಾರು ತನಿಖೆಗೆ ಆದೇಶಿಸಲಾಗಿದೆ.

  ಈ ದಂಡವನ್ನು ಸಿಸಿಟಿವಿ ಕ್ಯಾಮೆರಾಗಳನ್ನು ಆಧರಿಸಿ ವಿಧಿಸಲಾಗಿದ್ದು, ಸಶಸ್ತ್ರ ವಿಭಾಗದ ಇಬ್ಬರು ಮಹಿಳಾ ಕಾನ್‌ಸ್ಟೆಬಲ್‌ಗಳು ಮತ್ತು ಒಬ್ಬರು ತೆಲಂಗಾಣದ ಟೌನ್ ಪೊಲೀಸ್ ಠಾಣೆಯಲ್ಲಿ ನಿಯೋಜಿಸಲಾದ ಸಿವಿಲ್ ಕಾನ್‌ಸ್ಟೆಬಲ್ ಎನ್ನಲಾಗಿದೆ.

  ಪೊಲೀಸರಿಗೂ ದಂಡ ವಿಧಿಸಿರುವುದರಿಂದ ಇದೀಗ ಪೊಲೀಸ್​ ಇಲಾಖೆ ಭಾರಿ ಶ್ಲಾಘನೆಗೆ ಒಳಗಾಗಿದೆ.