ನೀರು ತರಲು ಹೋದ ಪತ್ನಿ ನಾಪತ್ತೆ - ರೈಲು ನಿಲ್ದಾಣದ ಸಿಸಿಟಿವಿ ದೃಶ್ಯ ಕಂಡು ಪತಿ ದಂಗು

•   Sat, Apr 10 2021 10:52:09 AM



• ಹೈದರಾಬಾದ್​, ಏ.10 (DaijiworldNews/HR): ವ್ಯಕ್ತಿಯೊಬ್ಬ ತನ್ನ ಪತ್ನಿ ಮತ್ತು ಮಗನೊಂದಿಗೆ ರಾಜಸ್ಥಾನಕ್ಕೆ ತೆರಳಲೆಂದು ರೈಲು ನಿಲ್ದಾಣಕ್ಕೆ ಬಂದಿದ್ದು, ನೀರು ತರಲು ಹೋದ ಪತ್ನಿ ಮತ್ತೆ ಹಿಂದಿರುಗದೇ ಇದ್ದು, ಪತಿ ಊಹಿಸದಂತಹ ಆಘಾತವೊಂದು ನಡೆದಿದೆ.

  

   ಸಾಂಧರ್ಭಿಕ ಚಿತ್ರ

  ರಾಜಸ್ಥಾನದ ಜೋಧ್​ಪುರ ಜಿಲ್ಲೆಯ ಬಾರಿ ಖಾಕೊಂಡ ಗ್ರಾಮದ ನಿವಾಸಿ ಪ್ರಭುದಾಸ್​ ಎಲ್​ ಆಯಂಡ್​ ಟಿ ಹೆಸರಿ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದು, ಇವರು ರಮ್ಯಾ ಎಂಬಾಕೆಯನ್ನು ಪ್ರೀತಿಸಿ 2018ರಲ್ಲಿ ವಿವಾಹವಾಗಿದ್ದು ಅವರಿಗೆ ಎರಡು ವರ್ಷದ ಒಬ್ಬ ಮಗನಿದ್ದಾನೆ.

  ಪ್ರಭುದಾಸ್​ ತನ್ನ ಪತ್ನಿ ಮತ್ತು ಮಗುವಿನೊಂದಿಗೆ ಹೈದರಾಬಾದ್​ನಲ್ಲಿರುವ ತನ್ನ ಅಜ್ಜಿ ಮನಗೆ ತೆರಳಿದ್ದು, ಎರಡು ದಿನಗಳವರೆಗೆ ಅಲ್ಲಿಯೇ ಉಳಿದುಕೊಂಡಿದ್ದ. ಬಳಿಕ ರಾಜಸ್ಥಾನಕ್ಕೆ ಹಿಂದಿರುಗಲು ತನ್ನ ಪತ್ನಿ ಮತ್ತು ಮಗನೊಂದಿಗೆ ಸಿಕಂದರಬಾದ್​ ರೈಲು ನಿಲ್ದಾಣಕ್ಕೆ ಪ್ರಭುದಾಸ್​ ಬಂದಿದ್ದ. ರೈಲಿಗಾಗಿ ಕಾಯುವ ನಡುವೆ ಮಗನೊಂದಿಗೆ ನೀರು ತರಲೆಂದು ಹೊರ ಹೋದ ಪ್ರಭುದಾಸ್​ ಪತ್ನಿ ಮರಳಿ ಬರಲೇ ಇಲ್ಲ. ​

  ತುಂಬಾ ಸಮಯದವರೆಗೂ ಕಾದರು ಪತ್ನಿ ಬರದಿದ್ದಾಗ ತಕ್ಷಣ ಗೋಪಾಲಪುರಂ ಪೊಲೀಸ್​ ಠಾಣೆಗೆ ತೆರಳಿ ಪ್ರಭುದಾಸ್​ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ರೈಲು ನಿಲ್ದಾಣ ಸಮೀಪದ ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸಿದಾಗ ಪ್ರಭುದಾಸ್​ ಪತ್ನಿ ಬೇರೊಬ್ಬನ ಬೈಕ್​ನಲ್ಲಿ ಪರಾರಿಯಾಗಿರುವುದು ಗೊತ್ತಾಗಿದೆ.

  ಇನ್ನು ಆಕೆ ಹೋಗುವಾಗ 20 ಸಾವಿರ ರೂ. ಹಣ ಮತ್ತು 2 ಪೌಂಡ್​ ಚಿನ್ನಾಭರಣವನ್ನು ತೆಗೆದುಕೊಂಡು ಹೋಗಿರುವುದಾಗಿ ಪ್ರಭುದಾಸ್​ ದೂರಿದ್ದಾರೆ. ಬೈಕ್​ ನಂಬರ್​ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆಯನ್ನು ಮುಂದುವರಿಸಿದ್ದಾರೆ ಎಂದು ತಿಳಿದು ಬಂದಿದೆ.