'ವಾಹನಕ್ಕೆ ಇಂಧನ ತುಂಬಿಸುವುದು ಪರೀಕ್ಷೆಗಿಂತ ಕಡಿಮೆಯಲ್ಲ' - ಪ್ರಧಾನಿಗೆ ರಾಹುಲ್‌ ಟಾಂಗ್‌

•   Thu, Apr 08 2021 02:52:13 PM



• ನವದೆಹಲಿ, ಎ.08 (DaijiworldNews/MB) : ಕಾಂಗ್ರೆಸ್ ಮುಖಂಡ, ಸಂಸದ ರಾಹು‌ಲ್‌ ಗಾಂಧಿ ಅವರು ಇಂಧನ ಬೆಲೆ ವಿಚಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ವಿರುದ್ಧ ಗುರುವಾರ ವಾಗ್ದಾಳಿ ನಡೆಸಿದ್ದು, ''ವಾಹನಕ್ಕೆ ಇಂಧನ ತುಂಬಿಸುವುದು ಪರೀಕ್ಷೆಗಿಂತ ಕಡಿಮೆ ಏನಿಲ್ಲ'' ಎಂದು ಹೇಳಿದ್ದಾರೆ.

  

  ಈ ಬಗ್ಗೆ ಗುರುವಾರ ಟ್ವೀಟ್‌ ಮಾಡಿರುವ ಅವರು, ''ಕೇಂದ್ರ ಸರ್ಕಾರದ ತೆರಿಗೆ ಸಂಗ್ರಹದಿಂದಾಗಿ, ವಾಹನಕ್ಕೆ ಇಂಧನ ತುಂಬಿಸುವುದು ಪರೀಕ್ಷೆಗಿಂತ ಕಡಿಮೆ ಏನಿಲ್ಲ. ಹಾಗಿರುವಾಗ ಪ್ರಧಾನಿಯವರು ಈ ಬಗ್ಗೆ ಏಕೆ ಚರ್ಚಿಸುವುದಿಲ್ಲ'' ಎಂದು ಪ್ರಶ್ನಿಸಿದ್ದಾರೆ. ಹಾಗೆಯೇ ''ಖರ್ಚುಗಳ ಬಗ್ಗೆಯೂ ಚರ್ಚೆಯಾಗಬೇಕು'' ಎಂದಿದ್ದಾರೆ.

  ಪ್ರಧಾನಿ ನರೇಂದ್ರ ಮೋದಿ ಅವರು ವಿದ್ಯಾರ್ಥಿಗಳೊಂದಿಗೆ ಪರೀಕ್ಷಾ ಪೇ ಚರ್ಚಾ ನಡೆಸಿದ ಒಂದು ದಿನದ ನಂತರ ಈ ವಿಚಾರದಲ್ಲಿ ರಾಹುಲ್‌ ಗಾಂಧಿ ಟೀಕಿಸಿದ್ದಾರೆ.

  ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಏರಿಕೆಯಾಗಿ ಈ ಕೊರೊನಾ ಸಂಕಷ್ಟದ ಮಧ್ಯೆ ಜನರಿಗೆ ಸಂಕಷ್ಟವನ್ನು ತಂದೊಡ್ಡಿದೆ. ಕಳೆದ ಎಂಟು ದಿನಗಳಲ್ಲಿ ಕಚ್ಚಾ ತೈಲದ ಬೆಲೆಯು ಕಡಿಮೆಯಾಗುತ್ತಿದ್ದರೂ ಡೀಸೆಲ್ ಮತ್ತು ಪೆಟ್ರೋಲ್ ಬೆಲೆ ಬದಲಾಗದೆ ಉಳಿದಿದೆ.

  केंद्र सरकार की टैक्स वसूली के कारण गाड़ी में तेल भराना किसी इम्तहान से कम नहीं, फिर PM इस पर चर्चा क्यूँ नहीं करते?
  
  खर्चा पे भी हो चर्चा! pic.twitter.com/jUJPERrp15

  — Rahul Gandhi (@RahulGandhi) April 8, 2021