'ಸಿಎಂಗೆ ಸಿ.ಡಿ ಬ್ಯ್ಲಾಕ್ ಮೇಲ್ ಮಾಡಿ ನಿರಾಣಿ ಸಚಿವ ಸ್ಥಾನ ಪಡೆದಿದ್ದು' - ಯತ್ನಾಳ್

•   Mon, Apr 05 2021 09:08:13 AM



• ವಿಜಯಪುರ, ಏ 5 (DaijiworldNews/MS): ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಮತ್ತು ಅವರ ಪುತ್ರ ಬಿ.ವೈ.ವಿಜಯೇಂದ್ರ ವಿರುದ್ಧ ಮಾತನಾಡುತ್ತಿರುವ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್ ಮತ್ತೆ ತಮ್ಮ ವಾಗ್ದಾಳಿ ಮುಂದುವರಿಸಿದ್ದು, ಮುಖ್ಯಮಂತ್ರಿ ಸ್ಥಾನಕ್ಕೆ ಬೇರೆಯವರನ್ನು ಹೈಕಮಾಂಡ್ ನೇಮಿಸುವಂತೆ ಯತ್ನಾಳ್ ಮೇ 2ರೊಳಗೆ ಗಡುವು ನೀಡಿದ್ದು ಇಲ್ಲದಿದ್ದರೆ ಪಕ್ಷದೊಳಗೆ ಮತ್ತಷ್ಟು ಭಿನ್ನಮತ ಏರ್ಪಡಲಿದೆ ಎಂದು ಎಚ್ಚರಿಕೆ ನೀಡಿದ್ದಾರೆ.

  

  ಇದೇ ವೇಳೆ ಮತ್ತೊಂದು ಮಾತಿನ ಬಾಂಬ್ ಎಸೆದಿರುವ ಯತ್ನಾಳ್, " ಸಿಡಿಯನ್ನು ಇಟ್ಟುಕೊಂಡು ಯಡಿಯೂರಪ್ಪ ಅವರಿಗೆ ಬ್ಲ್ಯ್ಖಾ ಮೇಲೆ ಮಾಡಿ ಮುರುಗೇಶ್ ನಿರಾಣಿ ಸಚಿವರಾಗಿದ್ದಾರೆ ಎಂದು ಹೇಳಿದ್ದಾರೆ.

  ಸರ್ಕಾರದ ಆಡಳಿತದಲ್ಲಿ ವಿಜಯೇಂದ್ರ ಹಸ್ತಕ್ಷೇಪವೂ ಕೆ ಎಸ್ ಈಶ್ವರಪ್ಪ ಮಾತ್ರವಲ್ಲ, ಹಲವು ಸಚಿವರುಗಳಿಗೆ ಅಸಮಾಧಾನವನ್ನುಂಟು ಮಾಡಿದೆ. ಹೈಕಮಾಂಡ್ ರಾಜ್ಯದ ಪಕ್ಷದ ಉಸ್ತುವಾರಿ ಮುಖ್ಯಮಂತ್ರಿ ಮತ್ತು ಅವರ ಕುಟುಂಬಕ್ಕೆ ನೀಡಿದೆಯೇ ಅಥವಾ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರುಣ್ ಸಿಂಗ್ ಅವರಿಗೆ ನೀಡಿದೆಯೇ ಎಂದು ನನಗೆ ಗೊಂದಲವಾಗುತ್ತಿದೆ ಎಂದು ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಹೇಳಿದ್ದಾರೆ.