ಹರಿಯಾಣದಲ್ಲಿ ಸಿಎಂ ಎದುರು ಪ್ರತಿಭಟನೆಗೆ ಮುಂದಾದ ರೈತರು - ಪೊಲೀಸರಿಂದ ಲಾಠಿಚಾರ್ಜ್‌

•   Sun, Apr 04 2021 09:27:29 AM



• ಚಂಡೀಗಡ, ಎ.04 (DaijiworldNews/PY): ರೋಹ್ಟಕ್‌‌ನಲ್ಲಿ ಸಿಎಂ ಮನೋಹರ್‌‌ ಲಾಲ್‌ ಖಟ್ಟರ್‌ ಅವರ ಎದುರು ಪ್ರತಿಭಟನೆ ನಡೆಸಲು ಮುಂದಾಗಿದ್ದ ರೈತರ ಮೇಲೆ ಹರಿಯಾಣ ಪೊಲೀಸರು ಲಾಠಿಚಾರ್ಜ್ ಮಾಡಿದ್ದಾರೆ.

  

  "ಘಟನೆಯ ಸಂದರ್ಭ ಓರ್ವ ಪೊಲೀಸ್‌ ಸಿಬ್ಬಂದಿ ಗಾಯಗೊಂಡಿದ್ದಾರೆ" ಎಂದು ಪೊಲೀಸರು ಹೇಳಿದ್ದಾರೆ.

  "ಕೆಲ ಮಂದಿ ರೈತರೂ ಕೂಡಾ ಗಾಯಗೊಂಡಿದ್ದಾರೆ" ಎಂದು ಪ್ರತಿಭಟನಾನಿರತರು ತಿಳಿಸಿದ್ದಾರೆ.

  "ರೈತರ ಪ್ರತಿಭಟನೆಯ ಹಿನ್ನೆಲೆ ಸಿಎಂ ಅವರ ಹೆಲಿಕಾಫ್ಟರ್‌‌ ಲ್ಯಾಂಡ್‌ ಆಗಬೇಕಾದ ಸ್ಥಳವನ್ನು ಬದಲಾಯಿಸಲಾಗಿದೆ" ಎಂದು ಅಧಿಕಾರಿಗಳು ಹೇಳಿದ್ದಾರೆ.

  ಮುಖ್ಯಮಂತ್ರಿಗಳ ಹೆಲಿಕಾಪ್ಟರ್, ಖಾಸಗಿ ವಿಶ್ವವಿದ್ಯಾಲಯವೊಂದರ ಬಳಿ ಲ್ಯಾಂಡ್ ಆಗಬೇಕಿತ್ತು. ಸಿಎಂ ಅವರು ರೋಹ್ಟಕ್‌ ಸಂಸದ ಅರವಿಂದ್ ಶರ್ಮಾ ಅವರ ತಂದೆಯ ಗೌರವಾರ್ಥ ಏರ್ಪಡಿಸಲಾಗಿದ್ದ ಸಂತಾಪಸೂಚಕ ಸಭೆಯಲ್ಲಿ ಭಾಗವಹಿಸಬೇಕಿತ್ತು. ಆದರೆ, ರೈತರು ಅದೇ ಪ್ರದೇಶದಲ್ಲಿ ಪ್ರತಿಭಟನೆ ನಡೆಸಲು ಮುಂದಾಗಿದ್ದರು.

  ಸಿಎಂ ಅವರು ಬರುವ ಕಾರಣ ಬಿಗಿಬಂದೋಬಸ್ತ್‌‌ ಕಲ್ಪಿಸಲಾಗಿತ್ತು. ಆದರೆ, ರೈತರು ಬ್ಯಾರಿಕೇಡ್‌ಗಳನ್ನು ತೆರವುಗೊಳಿಸಿ ಮುನ್ನುಗ್ಗಲು ಯತ್ನಿಸಿದಾಗ ಲಾಠಿಚಾರ್ಜ್ ಮಾಡಿದ್ದಾರೆ.

  ರೈತರು ಕೇಂದ್ರ ಸರ್ಕಾರದ ನೂತನ ಕೃಷಿ ಕಾಯ್ದೆಗಳನ್ನು ರದ್ದುಪಡಿಸಬೇಕು ಎಂದು ಆಗ್ರಹಿಸಿದ ಪ್ರತಿಭಟನೆ ನಡೆಸುತ್ತಿದ್ದಾರೆ.