'ಸಿ.ಡಿ ಯುವತಿ ಪರ ವಾದಿಸುತ್ತಿರುವುದು ಜಗದೀಶ್ ಅಲ್ಲ, ಅವರದ್ದು ಸುಮ್ಮನೇ ಬೀದಿ ರಂಪಾಟ' - ಎಸ್​ಐಟಿ ಆರೋಪ

•   Fri, Apr 02 2021 05:23:08 PM



• ಬೆಂಗಳೂರು, ಏ.02 (DaijiworldNews/HR): "ಮಾಜಿ ಸಚಿವ ಜಾರಕಿಹೊಳಿ ಅವರದ್ದು ಎನ್ನಲಾದ ಸಿ.ಡಿ ಪ್ರಕರಣದ ಯುವತಿಯ ಪರವಾಗಿ ಕೋರ್ಟ್​ನಲ್ಲಿ ವಾದಿಸುತ್ತಿರುವುದು ವಕೀಲ ಕೆ.ಎನ್.ಜಗದೀಶ್ ಅಲ್ಲ, ಬದಲಿಗೆ ಮಂಜು ಎನ್ನುವ ವಕೀಲ ಯುವತಿ ಪರ ವಕಾಲತ್ತು ವಹಿಸಿದ್ದಾರೆ. ಆದರೆ ಜಗದೀಶ್ ಸುಮ್ಮನೇ ಬೀದಿ ರಂಪಾಟ ಮಾಡುತ್ತಿದ್ದಾರೆ" ಎಂದು ಎಸ್​ಐಟಿ ಆರೋಪಿಸಿದೆ.

  

  ಈ ಕುರಿತು ವಕೀಲ ಜಗದೀಶ್ ವಿರುದ್ಧ ಎಸ್​ಐಟಿ ಅಧಿಕಾರಿಗಳು ಹಿರಿಯ ಅಧಿಕಾರಿಗಳಿಗೆ ದೂರನ್ನು ದಾಖಲಿಸಿದ್ದಾರೆ ಎನ್ನಲಾಗಿದೆ.

  ಈ ಪ್ರಕರಣದಲ್ಲಿ ಜಗದೀಶ್ ಸುಮ್ಮನೆ ಮೂಗು ತೂರಿಸುವ ಪ್ರಯತ್ನ ಮಾಡುತ್ತಿದ್ದು, ಯುವತಿಯ ಪರ ವಕಾಲತ್ತು ಹಾಕಿರೋದು ಮಂಜು ಎಂಬುವವರು. ಆದರೆ, ಇವರು ವಕಾಲತ್ತು ಇಲ್ಲದಿದ್ದರೂ ಬಂದು ತನಿಖಾಧಿಕಾರಿಗಳಿಗೆ ಕಿರಿಕಿರಿ ಮಾಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.

  ಇನ್ನು ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಕೆ.ಎನ್.ಜಗದೀಶ್, "ಸಿ.ಡಿ ಯುವತಿ ಹೇಳಿದ ಕಾರಣ ಮಾಧ್ಯಮಗಳಿಗೆ ಮಾಹಿತಿ ನೀಡುತ್ತಾ ಬಂದಿದ್ದೇನೆ. ಹಾಗೇನಾದರೂ ಇದ್ದಲ್ಲಿ ಎಸ್‌ಐಟಿ ನನಗೆ ನೊಟೀಸ್ ನೀಡಲಿ, ನಾನು‌ ಮಾಹಿತಿ ನೀಡುವುದನ್ನ ನಿಲ್ಲಿಸುತ್ತೇನೆ" ಎಂದು ಹೇಳಿದ್ದಾರೆ.