'ನನ್ನ ಗೆಲುವು ನಿಶ್ಚಿತ, ಮಮತಾ ಬ್ಯಾನರ್ಜಿ ಸೋಲುವುದು ಖಚಿತ' - ಸುವೇಂದು ಅಧಿಕಾರಿ

•   Thu, Apr 01 2021 11:46:23 AM



• ನಂದಿಗ್ರಾಮ,ಏ.01 (DaijiworldNews/HR): "ನಂದಿಗ್ರಾಮದ ಜನರೊಂದಿಗೆ ನನಗೆ ಹಳೆಯ ಸಂಬಂಧವಿದ್ದು, ಇಲ್ಲಿನ ಪ್ರತಿಯೊಬ್ಬ ವ್ಯಕ್ತಿಯ ಪರಿಚಯವೂ ಇರುವುದರಿಂದ ಇಲ್ಲಿ ನನ್ನ ಗೆಲುವು ನಿಶ್ಚಿತ. ನನ್ನ ಎದುರು ಸ್ಪರ್ಧಿಸಿರುವ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸೋಲುವುದು ಖಚಿತ" ಎಂದು ನಂದಿಗ್ರಾಮ ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಸುವೇಂದು ಅಧಿಕಾರಿ ಹೇಳಿದ್ದಾರೆ.

  

  ನಂದಿಗ್ರಾಮ ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಸುವೇಂದು ಅಧಿಕಾರಿ ಅವರು ಬೈಕ್‌ನಲ್ಲಿ ಮತಗಟ್ಟೆ ಬಳಿ ಬಂದು ಗುರುವಾರ ಮತಚಲಾಯಿಸಿದರು.

  ಬಳಿಕ ಸುದ್ದಿಗಾರರೊಂದಿಗೆ ಮಾತನಾದಿದ ಅವರು, "ರಸ್ತೆ ತುಂಬಾ ಕಿರಿದಾಗಿರುವುದರಿಂದ ಕಾರಿನಲ್ಲಿ ಬರಲಾಗದೆ, ಬೈಕ್‌ನಲ್ಲಿ ಮತದಾನ ಕೇಂದ್ರಕ್ಕೆ ಬಂದಿದ್ದೇನೆ" ಎಂದರು.

  ಇನ್ನು "ಕ್ಷೇತ್ರದ ಎಲ್ಲ ಪ್ರಜೆಗಳು ಮತಚಲಾಯಿಸಬೇಕು ಎಂದು ಮನವಿ ಮಾಡಿದ ಅವರು, ಕೆಲ ಬೂತ್‌ಗಳಲ್ಲಿ ಉಂಟಾಗಿದ್ದ ಸಮಸ್ಯೆಗಳು ನಿವಾರಣೆಯಾಗಿದ್ದು, ಮತದಾನ ಶಾಂತಿಯುತವಾಗಿ ನಡೆಯುತ್ತಿದೆ. ನಾನು ಕ್ಷೇತ್ರದ ಎಲ್ಲ ಮತಗಟ್ಟೆಗಳ ಬಳಿಗೆ ಹೋಗಲು ಪ್ರಯತ್ನಿಸುತ್ತೇನೆ" ಎಂದು ಹೇಳಿದ್ದಾರೆ.