ಭೀಕರ ರಸ್ತೆ ಅಪಘಾತ - ಖ್ಯಾತ ಪಂಜಾಬಿ ಗಾಯಕ ದಿಲ್​ಜಾನ್ ಮೃತ್ಯು

•   Tue, Mar 30 2021 05:11:41 PM



• ಅಮೃತಸರ, ಮಾ.30 (DaijiworldNews/HR): ಖ್ಯಾತ ಪಂಜಾಬಿ ಗಾಯಕ ದಿಲ್​ಜಾನ್ (32) ಅವರು ಇಂದು ಅಮೃತಸರ ಜಲಂದರ್ ಹೆದ್ದಾರಿಯ ಜಂಡಿಯಾಲಾ ಗುರು ಟೌನ್​ ಬಳಿ ಸಂಭವಿಸಿದ ಭೀಕರ ಕಾರು ಅಪಘಾತದಲ್ಲಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.

  

  ಪ್ರಾಥಮಿಕ ತನಿಖೆ ಪ್ರಕಾರ ಸರಕು ಸಾಗಾಣೆಯ ವಾಹನವೊಂದಕ್ಕೆ ಮಂಗಳವಾರ ಬೆಳ್ಳಗ್ಗೆ ದಿಲ್​ಜಾನ್ ಕಾರು ಹಿಂದಿನಿಂದ ಡಿಕ್ಕಿ ಹೊಡೆದಿದ್ದರಿಂದ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಇನ್ನು ಅಪಘಾತವಾದ ತಕ್ಷಣ ದಿಲ್​ಜಾನ್ ಅವರನ್ನು ​​ಸ್ಥಳೀಯರು ರಕ್ಷಿಸಲು ಮುಂದಾದರೂ ಕೂಡ ಅಪಘಾತದ ತೀವ್ರತೆಗೆ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ.

  ದಿಲ್​ಜಾನ್ ಸಾವಿನ ಕುರಿತು ಆಘಾತ ವ್ಯಕ್ತಪಡಿಸಿ ಟ್ವೀಟ್ ಮಾಡಿರುವ ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಅವರು, ಕುಟುಂಬದವರಿಗೆ ಸಾಂತ್ವಾನ ಹೇಳಿದ್ದಾರೆ.

  Shocked at the tragic death of young and promising Punjabi singer Diljaan in a road accident earlier today. It is extremely sad to lose young lives like these on road. My condolences to the family, friends and fans. RIP! pic.twitter.com/ZLxQidrO5P

  — Capt.Amarinder Singh (@capt_amarinder) March 30, 2021