ಮಸೀದಿ ಕಂಬ ಕುಸಿದು ಇಬ್ಬರು ಮಕ್ಕಳು ಸಾವು- ಮತ್ತೋರ್ವ ಬಾಲಕ ಗಂಭೀರ

•   Mon, Mar 29 2021 12:04:27 PM



• ಉತ್ತರಪ್ರದೇಶ, ಮಾ 29 (DaijiworldNews/MS): ಉತ್ತರ ಪ್ರದೇಶದ ಶಾಮ್ಲಿ ಜಿಲ್ಲೆಯಲ್ಲಿ ಮಸೀದಿಯ ಕಂಬ ಕುಸಿದು ಇಬ್ಬರು ಮಕ್ಕಳು ಸಾವನ್ನಪ್ಪಿ ಮತ್ತೋರ್ವ ಬಾಲಕ ಗಂಭೀರವಾಗಿ ಗಾಯಗೊಂಡ ಘಟನೆ ಭಾನುವಾರ ರಾತ್ರಿ ನಡೆದಿದೆ.

   

  10 ರಿಂದ 12 ವರ್ಷದೊಳಗಿನ ಮಕ್ಕಳು ಶಾಬ್-ಎ-ಬರಾತ್ ಸಂದರ್ಭದಲ್ಲಿ ಭಾನುವಾರ ರಾತ್ರಿ ಮೊಹಲ್ಲಾ ಮೊಮಿನ್ ನಗರದ ಮಸೀದಿಗೆ ಹೋಗಿದ್ದರು. ಈ ವೇಳೆ ಕಂಬ ಕುಸಿದ ಪರಿಣಾಮ ಗಂಭೀರ ಗಾಯಗೊಂಡ ಖುರ್ಷಿದ್ (12) ಮತ್ತು ಮ್ಯಾಟ್ಲೂಬ್ (12) ಅವರನ್ನು ಆಸ್ಪತ್ರೆಯಲ್ಲಿ ಮೃತಪಟ್ಟರೆ, ಸಮೀರ್ (10) ಅವರ ಸ್ಥಿತಿ ಗಂಭೀರವಾಗಿದ್ದರಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಮತ್ತೊಂದು ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

   ಜನರು ಮಸೀದಿಯಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿದ್ದಾಗ ಕಂಬ ಕುಸಿದಿದೆ.