ಸ್ವದೇಶಿ ಕೂ ಆಪ್ ನಲ್ಲಿ ಹೂಡಿಕೆ ಮಾಡಿದ ಜಾವಗಲ್ ಶ್ರೀನಾಥ್

•   Tue, Mar 23 2021 05:08:06 PM



• ಬೆಂಗಳೂರು, ಮಾ 23(DaijiworldNews/MS): ಟ್ವಿಟರ್‌ಗೆ ಟಕ್ಕರ್ ನೀಡುತ್ತಿರುವ ಸ್ವದೇಶೀ Koo App ನ ಮೂಲ ಸಂಸ್ಥೆಯಾದ ಬಾಂಬಿನೇಟ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್‌ ನಲ್ಲಿ ಭಾರತದ ಮಾಜಿ ಕ್ರಿಕೆಟಿಗ ಜಾವಗಲ್ ಶ್ರೀನಾಥ್ ಅವರು ಹೂಡಿಕೆ ಮಾಡಿದ್ದಾರೆ.

   

  ಈ ಬಗ್ಗೆ ಮಾತನಾಡಿರುವ ಜಾವಗಲ್, "ಭಾರತವು 1000 ಭಾಷೆಗಳು ಮತ್ತು ಉಪಭಾಷೆಗಳನ್ನು ಹೊಂದಿರುವ ವೈವಿಧ್ಯಮಯ ದೇಶವಾಗಿದೆ. ಈ ಎಲ್ಲಾ ವೈವಿಧ್ಯಮಯ ಧ್ವನಿಗಳಿಗೆ ಒಂದು ವೇದಿಕೆಯನ್ನು ನೀಡುವುದು ಅತಿಮುಖ್ಯವಾಗಿದ್ದು ಕೂ ಈ ಕೆಲಸವನ್ನು ಮಾಡುತ್ತಿದೆ. ಕೂ ಕನ್ನಡ ಆರಂಭವಾದಾಗಿನಿಂದ ನಾನು ಇದರ ಅಂಗವಾಗಿದ್ದೇನೆ ಭಾರತೀಯ ಭಾಷೆಯ ಪ್ರೇಕ್ಷಕರ ಧ್ವನಿಯನ್ನು ಅಂತರ್ಜಾಲದಲ್ಲಿ ವ್ಯಕ್ತಪಡಿಸುವ ಕೂ ವೇದಿಕೆಯ ಪ್ರಯತ್ನ ನಿಜಕ್ಕೂ ಪ್ರಶಂಶನೀಯ" ಎಂದಿದ್ದಾರೆ

  ಕೂ ಸಿಇಒ ಮತ್ತು ಸಹ ಸಂಸ್ಥಾಪಕ ಅಪ್ರಮೇಯ ರಾಧಾಕೃಷ್ಣ ಅವರು ಮಾತನಾಡಿ, "ಜಾವಗಲ್ ಶ್ರೀನಾಥ್ ಅವರು ಜಾಗತಿಕ ವೇದಿಕೆಯಲ್ಲಿ ಭಾರತವನ್ನು ಹೆಮ್ಮೆಪಡುವಂತೆ ಮಾಡಿದ್ದಾರೆ. ಆರಂಭಿಕ ದಿನಗಳಿಂದಲೂ Koo App ಗೆ ಬೆಂಬಲವಾಗಿ ಕೈಜೋಡಿಸಿದ್ದಕ್ಕೆ ಮತ್ತು ಪ್ರಸ್ತುತ ಹೂಡಿಕೆದಾರರಾಗಿ ನಮ್ಮ ಪ್ರಯಾಣಕ್ಕೆ ಜೊತೆಯಾಗಿದ್ದಕ್ಕೆ ನಾನು ಅವರಿಗೆ ತುಂಬಾ ಕೃತಜ್ಞನಾಗಿದ್ದೇನೆ.

  ಜಾವಗಲ್ ಶ್ರೀನಾಥ್ ಅವರು ಕೂ ನಲ್ಲಿ ಕನ್ನಡ ಭಾಷೆಯ ಆಯ್ಕೆಯೊಂದೇ ಲಭ್ಯವಿದ್ದಾಗ ಜಾವಗಲ್ ಶ್ರೀನಾಥ್ ಸೇರಿದ್ದಾರೆ. ಟ್ವಿಟ್ಟರಲ್ಲಿ 11,250 ಅನುಯಾಯಿಗಳಿಗೆ ಹೋಲಿಸಿದರೆ ಅವರು ಕೂನಲ್ಲಿ 100,000+ ಅನುಯಾಯಿಗಳನ್ನು ಹೊಂದಿದ್ದಾರೆ.