ವೃದ್ಧನ ಹತ್ಯೆ ಪ್ರಕರಣ - ಮೂವರು ಬಿಜೆಪಿ ಮುಖಂಡರು ಅಂದರ್

•   Sun, Mar 21 2021 01:13:48 PM



• ಕೊಲ್ಕತ್ತಾ, ಮಾ.21 (DaijiworldNews/HR): 74 ವರ್ಷದ ವೃದ್ಧರೊಬ್ಬರನ್ನು ಪಶ್ಚಿಮ ಬಂಗಾಳದ ಪುರ್ಬಾ ಬರ್ದಾಮನ್ ಜಿಲ್ಲೆಯಲ್ಲಿ ಹತ್ಯೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ಥಳೀಯ ಮೂವರು ಬಿಜೆಪಿ ಮುಖಂಡರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  

  ಮಾರ್ಚ್ 9 ರಂದು ಮನೆಯಲ್ಲಿ ವೃದ್ಧನನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿದ್ದು, ಘಟನೆ ನಡೆದ ದಿನ ವೃದ್ಧ ಬ್ಯಾಂಕ್‌ನಿಂದ ಹಣ ವಿತ್ ಡ್ರಾ ಮಾಡಿಕೊಂಡು ಬಂದಿದ್ದು, ಅದನ್ನು ಗಮನಿದ ಯಾರೋ ದೋಚುವ ಉದ್ದೇಶದಿಂದ ಹತ್ಯೆ ನಡೆದಿರುವುದು ಮೇಲ್ನೋಟಕ್ಕೆ ಕಂಡುಬಂದಿದೆ ಎನ್ನಲಾಗಿದೆ.

  ಇನ್ನು ಆಕಸ್ಮಿಕವಾಗಿ ಗುಂಡು ವೃದ್ಧನ ಮೇಲೆ ಹಾರಿತು ಎಂದು ಆರೋಪಿಯೊಬ್ಬ ಹೇಳಿಕೆ ನೀಡಿದ್ದಾನೆ.

  ಆರೋಪಿಗಳನ್ನು ಮೊಬೈಲ್ ಫೋನ್ ಲೋಕೇಷನ್‌ನಿಂದ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.