'ಓ ದೇವರೇ ಮೊಣಕಾಲು ಕಾಣುತ್ತಿದೆ' - ಉತ್ತರಾಖಂಡ ಸಿಎಂ ಹೇಳಿಕೆಗೆ ಪ್ರಿಯಾಂಕಾ ವಾದ್ರಾ ತಿರುಗೇಟು

•   Fri, Mar 19 2021 04:29:00 PM



• ನವದೆಹಲಿ, ಮಾ 19 (DaijiworldNews/MS): ಫ್ಯಾಶನ್ ಹೆಸರಿನಲ್ಲಿ ಹರಿದ ಜೀನ್ಸ್ ಪ್ಯಾಂಟ್ (ರಿಪ್ಡ್ ಜೀನ್ಸ್) ಧರಿಸಿ ಮೊಣಕಾಲನ್ನು ಪ್ರದರ್ಶಿಸುವಂತಹ ಸಂಸ್ಕೃತಿ ಸರಿಯಲ್ಲ ಎಂದಿರುವ ಉತ್ತರಾಖಂಡ ಮುಖ್ಯಮಂತ್ರಿ ತೀರಥ್ ಸಿಂಗ್ ರಾವತ್ ವಿರುದ್ದ ಟ್ವಿಟರ್ ನಲ್ಲಿ ಅಭಿಯಾನವೇ ಶುರುವಾಗಿದೆ.

    

  ಇದೀಗ ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು ಖಾಕಿ ಶಾಟ್ಸ್ಸ್ ಧರಿಸಿರುವ ಫೋಟೋಗಳನ್ನು ಉತ್ತರಾಖಂಡ ಮುಖ್ಯಮಂತ್ರಿ ತಿರಥ್ ಸಿಂಗ್ ರಾವತ್ ಅವರ ಜೀನ್ಸ್ ಟೀಕೆಗೆ, ತಿರುಗೇಟು ನೀಡುವಂತೆ ಪೋಸ್ಟ್ ಮಾಡಿದ್ದಾರೆ. "ಓ ದೇವರೇ !!! ಅವರ ಮೊಣಕಾಲುಗಳು ಕಾಣಿಸುತ್ತಿವೆ" ಎಂದು ಅವರು ಹ್ಯಾಶ್ ಟ್ಯಾಗ್ ರಿಪ್ಡ್ ಜೀನ್ಸ್ ಟ್ವೀಟ್ ಮಾಡಿದ್ದಾರೆ. ಫೋಟೋಗಳಲ್ಲಿ ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಕೂಡ ಕಾಣಿಸಿಕೊಂಡಿರುವುದನ್ನು ಟ್ವೀಟ್ ಮಾಡಿದ್ದಾರೆ.

  ಪಾಶ್ಚಿಮಾತ್ಯರು ಭಾರತದ ಸಿರಿವಂತ ಸಂಪ್ರದಾಯದತ್ತ ಮರಳುತ್ತಿದ್ದರೆ, ನಾವು ಮಾತ್ರ ಅವರ ಸಂಸ್ಕೃತಿಯತ್ತ ಹೊರಳುತ್ತಿದ್ದೇವೆ. ಇದು ಒಳ್ಳೆಯ ಬೆಳವಣಿಗೆಯಲ್ಲ,ಹರಿದ ಜೀನ್ಸ್‌ ಧರಿಸಿ, ಮೊಣಕಾಲನ್ನು ಪ್ರದರ್ಶಿಸುವಂತಹ ಸಂಸ್ಕೃತಿ ಯಾವುದೇ ಶಾಲೆಯಿಂದ ಬರುವಂತಹದ್ದಲ್ಲ. ಮನೆಯಿಂದಲೇ ಬರುವಂತಹದ್ದು. ಮನೆಯಲ್ಲಿಒಳ್ಳೆಯ ಸಂಸ್ಕೃತಿ ಕಲಿಸಲ್ಪಟ್ಟ ಮಗು ಎಷ್ಟೇ ಆಧುನಿಕ ಮನೋಭಾವ ಹೊಂದಿದ್ದರೂ ಜೀವನದಲ್ಲಿ ಮೌಲ್ಯಗಳಿಗೆ ಬದ್ಧವಾಗಿಯೇ ನಡೆದುಕೊಳ್ಳುತ್ತದೆ ಎಂದು ರಾವತ್ ಹೇಳಿದ್ದರು

  ಇದಕ್ಕೆ ಸಾಕಷ್ಟು ಮಹಿಳೆಯರು ತಾವು ಧರಿಸಿರುವ ರಿಪ್ಡ್ ಜೀನ್ಸ್ ಪೋಟೋ ಶೇರ್ ಮಾಡುವ ಮೂಲಕ ಸಿಎಂ ವಿರುದ್ದ ಅಸಮಾಧಾನ ಹೊರಹಾಕಿದ್ದಾರಲ್ಲದೇ ತೀರಥ್ ಅವರು ತಮ್ಮ ಮನಸ್ಥಿತಿಯನ್ನು ಬದಲಿಸಿಕೊಳ್ಳಿ ಎಂದು ಆಗ್ರಹಿಸಿದ್ದಾರೆ.

  Oh my God!!! Their knees are showing 😱😱😱 #RippedJeansTwitter pic.twitter.com/wWqDuccZkq

  — Priyanka Gandhi Vadra (@priyankagandhi) March 18, 2021