ಬ್ರೇಕ್‌ ಫೇಲ್‌ ಆಗಿ ಕೆಎಸ್‌ಆರ್‌ಟಿಸಿ ಬಸ್‌‌ ಪಲ್ಟಿ - 35 ಪ್ರಯಾಣಿಕರಿಗೆ ಗಾಯ

•   Thu, Mar 18 2021 10:23:46 AM



• ಹಾವೇರಿ, ಮಾ.18 (DaijiworldNews/PY): ಬ್ರೇಕ್‌ ಫೇಲ್‌ ಆಗಿ ಕೆಎಸ್‌ಆರ್‌ಟಿಸಿ ಬಸ್‌‌ ಮಗುಚಿ ಬಿದ್ದ ಪರಿಣಾಮ 35 ಪ್ರಯಾಣಿಕರು ಗಾಯಗೊಂಡ ಘಟನೆ ಹಾವೇರಿ ಜಿಲ್ಲೆ ಬ್ಯಾಡಗಿ ತಾಲೂಕಿನ ಛತ್ರ ಗ್ರಾಮದ ಬಳಿ ಇರುವ ಪುಣೆ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ 4 ರಲ್ಲಿ ನಡೆದಿದೆ.

  

  ಗಾಯಗೊಂಡ 35 ಪ್ರಯಾಣಿಕರನ್ನು ಬ್ಯಾಡಗಿ ತಾಲೂಕಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಗದಗದಿಂದ ರಾಣೆಬೆನ್ನೂರಿಗೆ ತೆರಳುತ್ತಿದ್ದ ಸಂದರ್ಭ ಬ್ರೇಕ್‌‌ ಫೇಲ್‌‌ ಆದ ಬಸ್‌‌‌ ಪಲ್ಟಿಯಾಗಿ ಈ ಘಟನೆ ಸಂಭವಿಸಿದೆ. ಈ ಸಂದರ್ಭ ಆಂಬುಲೆನ್ಸ್‌ ಇಲ್ಲದ ಕಾರಣ ಗಾಯಾಳುಗಳು ಕೆಲ ಹೊತ್ತು ಪರದಾಡುವ ಸ್ಥಿತಿ ಎದುರಾಗಿತ್ತು.

  ಬಸ್‌ನಲ್ಲಿ ಜೋರಾಗಿ ಸದ್ದು ಬಂದ ತಕ್ಷಣವೇ ಬಸ್‌ ಚಾಲಕ ಬಸ್‌ ಅನ್ನು ನಿಲ್ಲಿಸಲು ಯತ್ನಿಸಿದ್ದಾನೆ. ಈ ಸಂದರ್ಭ ಬ್ರೇಕ್‌ ಫೇಲ್‌ ಆಗಿದ್ದು, ತುಳಿದು ನಿಲ್ಲಿಸಲು ಯತ್ನಿಸಿದಾಗ ಬಸ್‌ ರಸ್ತೆಯ ಪಕ್ಕದಲ್ಲಿ ಪಲ್ಟಿಯಾಗಿದೆ.

  ಘಟನಾ ಸ್ಥಳಕ್ಕೆ ಬ್ಯಾಡಗಿ ಪೊಲೀಸರು ಭೇಟಿ ನೀಡಿ ಸ್ಥಳ ಪರಿಶೀಲನೆ ನಡೆಸಿದ್ದಾರೆ.