ಕುಸ್ತಿಯಲ್ಲಿ ಸೋತ ಕಾರಣ ಕುಸ್ತಿಪಟು ಬಬಿತಾ ಫೋಗಟ್‌ ಸೋದರ ಸಂಬಂಧಿ ಆತ್ಮಹತ್ಯೆ

•   Wed, Mar 17 2021 05:36:54 PM



• ಚಂಡೀಗಢ, ಮಾ.17 (DaijiworldNews/MB) : ಕಬ್ಬಡಿ ಆಟದಲ್ಲಿ ಸೋತೆನೆಂದು ನಿರಾಶೆಗೊಂಡು ಖ್ಯಾತ ಕುಸ್ತಿಪಟು ಬಬಿತಾ ಫೋಗಟ್‌ ಅವರ ಸೋದರ ಸಂಬಂಧಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಹರಿಯಾಣದ ಬಲಾಲಿ ಗ್ರಾಮದಲ್ಲಿ ನಡೆದಿದೆ.

  

  ಆತ್ಮಹತ್ಯೆಗೆ ಶರಣಾದ ಯುವತಿಯನ್ನು ರಿತಿಕಾ ಎಂದು ಹೇಳಲಾಗಿದೆ.

  ರಿತಿಕಾ ರಾಜಸ್ಥಾನದ ಭರತ್ಪುರದ ಲೋಹಗರ್​ ಕ್ರೀಡಾಂಗಣದಲ್ಲಿ ನಡೆದ ರಾಜ್ಯಮಟ್ಟದ ಉಪ ಜೂನಿಯರ್, ಕಿರಿಯ ಮಹಿಳೆಯರು ಮತ್ತು ಪುರುಷರ ಕಬ್ಬಡಿ ಪಂದ್ಯಾವಳಿಯಲ್ಲಿ ಭಾಗವಹಿಸಿದ್ದಳು. ಮಾರ್ಚ್​ 12ರಿಂದ 14ರವರೆಗೆ ಕಬ್ಬಡಿ ಪಂದ್ಯಾವಳಿ ನಡೆದಿದ್ದು ಅಂತಿಮ ಪಂದ್ಯದಲ್ಲಿ ರಿತಿಕಾಳ ತಂಡ ಕೇವಲ ಒಂದು ಅಂಕದಿಂದ ಸೋತಿತ್ತು. ಇದರಿಂದಾಗಿ ನಿರಾಶೆಗೊಂಡ ರಿತಿಕಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ವರದಿಯಾಗಿದೆ.