ಗೋವಿನ ಬಾಲ ಕತ್ತರಿಸಿ, ಕೆಚ್ಚಲು ಕೊಯ್ದು ದುಷ್ಕರ್ಮಿಗಳ ವಿಕೃತಿ - ಕರುವಿಗೆ ಹಾಲುಣಿಸಲಾಗದೆ ನರಳಾಟ

•   Mon, Mar 15 2021 01:12:10 PM



• ಗದಗ, ಮಾ.15 (DaijiworldNews/MB) : ಹಸುವಿನ ಮೇಲೆ ಮಾರಾಕಾಸ್ತ್ರಗಳಿಂದ ದುಷ್ಕರ್ಮಿಗಳು ದಾಳಿ ಮಾಡಿ, ಬಾಲ ಕತ್ತರಿಸಿ ಕೆಚ್ಚಲನ್ನು ಕೊಯ್ದು ವಿಕೃತಿ ಮೆರೆದಿದ್ದು ಈ ಮೂಕ ಜೀವಿಯೂ ಕರುವಿಗೆ ಹಾಲುಣಿಸಲಾಗದೆ ನರಳುತ್ತಿದೆ. ಜಿಲ್ಲೆಯ ರಾಧಾಕೃಷ್ಣ ನಗರದಲ್ಲಿ ಈ ಘಟನೆ ನಡೆದಿದ್ದು, ಈ ದುಷ್ಕರ್ಮಿಗಳ ವಿರುದ್ದ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.

  

  ಸಾಂದರ್ಭಿಕ ಚಿತ್ರ

  ಹಸು ಮೂರು ದಿನಗಳ ಹಿಂದೆ ಕರುವಿಗೆ ಜನ್ಮ ನೀಡಿದ್ದು ಈಗ ತನ್ನ ಕರುವಿಗೆ ಹಾಲು ನೀಡಲು ಆಗದ ಸ್ಥಿತಿಯಲ್ಲಿ ಈ ಹಸು ಒದ್ದಾಡುತ್ತಿದೆ.

  ಭಾನುವಾರ ರಾತ್ರಿ ದುಷ್ಕರ್ಮಿಗಳು ಈ ಕೃತ್ಯ ಎಸಗಿದ್ದು ಸೋಮವಾರ ಬೆಳಕಿಗೆ ಬಂದಿದೆ. ತಾನು ಸಾಕುವ ಹಸು ನೋವಿನಿಂದ ನರಳುತ್ತಿರುವುದನ್ನು ಕಂಡು ಗೋಪಾಲಕಿ ಕಣ್ಣೀರು ಸುರಿಸುತ್ತಿದ್ದಾರೆ.

  ಈ ಕೃತ್ಯ ಎಸಗಿದ ದುಷ್ಕರ್ಮಿಗಳನ್ನು ಕೂಡಲೇ ಬಂಧಿಸಿ ಕ್ರಮ ಕೈಗೊಳ್ಳಬೇಕು ಎಂದು ಗೋಪಾಲಕಿ ಹಾಗೂ ಸ್ಥಳೀಯರು ಆಗ್ರಹಿಸಿದ್ದಾರೆ.