ತಮಿಳುನಾಡು ಚುನಾವಣೆ: ಕೊಯಮತ್ತೂರು ದಕ್ಷಿಣ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ ಕಮಲ್‌ ಹಾಸನ್‌

•   Fri, Mar 12 2021 03:54:48 PM



• ಚೆನ್ನೈ, ಮಾ.12 (DaijiworldNews/PY): ಮಕ್ಕಳ್‌ ನೀಧಿ ಮಯಂ ಪಕ್ಷದ ಸ್ಥಾಪಕ, ನಟ, ರಾಜಕಾರಣಿ ಕಮಲ್‌ ಹಾಸನ್‌ ಅವರು ಮುಂಬರುವ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಕೊಯಮತ್ತೂರು ದಕ್ಷಿಣ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ.

  

  ಎಪ್ರಿಲ್‌ 6ರಂದು ತಮಿಳುನಾಡು ವಿಧಾನಸಭಾ ಚುನಾವಣೆ ನಡೆಯಲಿದ್ದು, ಮೇ 2ರಂದು ನಡೆಯಲಿರುವ ಮತ ಎಣಿಕೆಯೊಂದಿಗೆ ಅಭ್ಯರ್ಥಿಗಳ ಭವಿಷ್ಯ ತೀರ್ಮಾನವಾಗಲಿದೆ.

  ಮಕ್ಕಳ್‌ ನೀಧಿ ಮಯಂ ಪಕ್ಷ ಗುರುವಾರ, ಚುನಾವಣೆಗೆ ಸ್ಪರ್ಧಿಸಲಿರುವ 70 ಅಭ್ಯರ್ಥಿಗಳ ಹೆಸರುಗಳನ್ನು ಬಿಡುಗಡೆ ಮಾಡಿತ್ತು.

  ಸುದ್ದಿಗಾರರೊಂದಿಗೆ ಮಾತನಾಡಿದ ಕಮಲ್‌ ಹಾಸನ್‌‌, "ಭ್ರಷ್ಟಾಚಾರ ನಿರ್ಮೂಲನೆ ಹಾಗೂ ಉತ್ತಮ ಆಡಳಿತ ನೀಡುವುದೇ ಪಕ್ಷದ ಉದ್ದೇಶ" ಎಂದಿದ್ದಾರೆ.

  ಈ ವೇಳೆ ಕಮಲ್‌ ಹಾಸನ್‌ ಅವರು ತಂದೆ ದಿ.ಶ್ರೀನಿವಾಸ್‌ ಅವರನ್ನು ಸ್ಮರಿಸಿಕೊಂಡಿದ್ದು, "ನಾನು ಐಎಎಸ್‌ ಅಧಿಕಾರಿಯಾಗಬೇಕೆಂಬುದು ನನ್ನ ತಂದೆ ಕನಸಾಗಿತ್ತು. ತಂದೆಯ ಕನಸನ್ನು ನನಸಾಗಿಸಲು ಆಗದೇ ಇದ್ದರೂ ಕೂಡಾ ನನ್ನ ಪಕ್ಷ ಅನೇ ಐಎಎಸ್‌ ಅಧಿಕಾರಿಗಳನ್ನು ಹೊಂದಿದೆ" ಎಂದು ತಿಳಿಸಿದ್ದಾರೆ.

  ಇದೇ ಪ್ರಥಮ ಬಾರಿಗೆ ತಮಿಳುನಾಡು ವಿಧಾನಸಭೆ ಚುನಾವಣೆಯಲ್ಲಿ ಮಕ್ಕಳ್ ನೀಧಿ ಮಯಂ ಪಕ್ಷ ಸ್ಪರ್ಧಿಸುತ್ತಿದೆ.