National

ಜಮ್ಮುವಿನಲ್ಲಿ ಉಗ್ರನ ಹತ್ಯೆ, ಬದ್ಗಮ್‌‌ನಲ್ಲಿ ಸಿಆರ್‌ಪಿಎಫ್ ಯೋಧ ಗುಂಡು ಹಾರಿಸಿ ಆತ್ಮಹತ್ಯೆ

  •   Thu, Mar 11 2021 01:16:58 PM

  • ಜಮ್ಮು-ಕಾಶ್ಮೀರ, ಮಾ.11 (DaijiworldNews/HR): ಭದ್ರತಾ ಪಡೆಯೊಂದಿಗೆ ನಡೆದ ಎನ್‌‌ಕೌಂಟರ್‌‌ನಲ್ಲಿ ಭಯೋತ್ಪಾದಕ ಹತ್ಯೆಗೊಂಡಿದ್ದು, ಕಾರ್ಯಾಚರಣೆ ಮುಂದುವರಿಯುತ್ತಿದೆ ಎಂದು ಕಾಶ್ಮೀರ ವಲಯ ಪೊಲೀಸರು ಟ್ವೀಟ್ ಮಾಡಿದ್ದಾರೆ.


    ಸಾಂಧರ್ಭಿಕ ಚಿತ್ರ

    ಭದ್ರತಾ ಪಡೆ ಪೊಲೀಸರು ಸೋಮವಾರದಂದು ಅಲ್-ಬದ್ರ್ ಮುಖ್ಯಸ್ಥ ಗಾನಿ ಖ್ವಾಜನನ್ನು ಹತ್ಯೆ ಮಾಡಿದ್ದು, ಮತ್ತೊಬ್ಬ ಉಗ್ರ ಸೊಪೊರೆ ಎಂಬಲ್ಲಿ ನಡೆದ ಎನ್‌ಕೌಂಟರ್‌‌ನಲ್ಲಿ ತಪ್ಪಿಸಿಕೊಂಡಿದ್ದಾನೆ ಎನ್ನಲಾಗಿದೆ.

    ಇನ್ನು ಜಮ್ಮು ಕಾಶ್ಮೀರದ ಬದ್ಗಮ್ ಜಿಲ್ಲೆಯಲ್ಲಿ ಗುರುವಾರ ಬೆಳಗ್ಗೆ ಸಿಆರ್‌ಪಿಎಫ್ ಯೋಧ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

    ಮಾನಸಿಕ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರಿಗೆ ಯಾವುದೇ ಶಸ್ತ್ರಾಸ್ತ್ರವನ್ನು ನೀಡಿರಲಿಲ್ಲ. ಹಾಗಾಗಿ ಬೇರೆ ಯೋಧರು ತಮ್ಮ ಕೆಲಸಗಳಲ್ಲಿ ನಿರತರಾಗಿದ್ದ ವೇಳೆ ಮತ್ತೊಬ್ಬರ ಪಿಸ್ತೂಲಿನಿಂದ ತಮ್ಮ ಮೇಲೆ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.

You might also like