'ಪಾಕ್‌ ಜೈಲಿನಲ್ಲಿರುವ ಮಗನ ಕರೆತರಲು ಸೂಚಿಸಿ' - ಸುಪ್ರೀಂ ಮೊರೆ ಹೋದ 81 ವರ್ಷದ ತಾಯಿ

•   Fri, Mar 05 2021 05:51:44 PM



• ನವದೆಹಲಿ, ಮಾ.05 (DaijiworldNews/HR): 23 ವರ್ಷಗಳಿಂದ ಪಾಕಿಸ್ತಾನದ ಜೈಲಿನಲ್ಲಿರುವ ತನ್ನ ಪುತ್ರ, ಸೇನೆ ಅಧಿಕಾರಿಯ ವಾಪಸಾತಿಗೆ ರಾಜತಾಂತ್ರಿಕ ಹಂತದಲ್ಲಿ ಕ್ರಮವಹಿಸಲು ಕೇಂದ್ರಕ್ಕೆ ನಿರ್ದೇಶನ ನೀಡಬೇಕು ಎಂದು ಕೋರಿ ಸೇನಾ ಅಧಿಕಾರಿಯ ತಾಯಿ ಸಲ್ಲಿಸಿದ್ದ ಅರ್ಜಿಯನ್ನು ವಿಚಾರಣೆಗೆ ಪರಿಗಣಿಸಲು ಸುಪ್ರೀಂ ಕೋರ್ಟ್‌ ಸಮ್ಮತಿ ನೀಡಿದೆ ಎಂದು ತಿಳಿದು ಬಂದಿದೆ.

  
  ಸಾಂಧರ್ಭಿಕ ಚಿತ್ರ

  ಈ ಕುರಿತು ವಿವರಣೆ ಸಲ್ಲಿಸಲು ಮುಖ್ಯ ನ್ಯಾಯಮೂರ್ತಿ ಎಸ್.ಎ.ಬೊಬಡೆ ನೇತೃತ್ವದ ಪೀಠವು ಕೇಂದ್ರ ಸರ್ಕಾರಕ್ಕೆ ನೋಟಿಸ್‌ ನೀಡಿತು.

  ಇನ್ನು ಪಾಕ್‌ ಜೈಲಿನಲ್ಲಿ ಇರುವ ಕ್ಯಾಪ್ಟನ್‌ ಸಂಜಿತ್ ಭಟ್ಟಾಚಾರ್ಜಿ ಅವರ ತಾಯಿದ ಕಮಲಾ(81) ಅವರು ಅರ್ಜಿ ಸಲ್ಲಿಸಿದ್ದು, ಮಾನವೀಯ ಆಧಾರದಲ್ಲಿ ಈ ಬಗ್ಗೆ ತುರ್ತಾಗಿ ಗಮನಹರಿಸಬೇಕು ಎಂದೂ ಕೋರಿದ್ದರು ಎನ್ನಲಾಗಿದೆ.